Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

DITARI POLITIK

Ktheu planin për Butrintin, Meta apel Kuvendit: Mos votoni me sy mbyllur! Kallëzimi i Valterit, asburd

Politiko 21 Qershor 2022, 12:09

Ktheu planin për Butrintin, Meta apel Kuvendit: Mos votoni me sy mbyllur!

Presidenti Ilir Meta ktheu dje në Kuvend marrëveshjen për Parkun e Butrintit duke vlerësuar se cenon Kushtetutën.

Në një konferencë për mediat sot, Meta tha se Butrinti është një pasuri e paluajtshme e regjistruar në UNESCO, dhe si e tillë duhet t’i mbetet shtetit dhe jo të kalojë në duart e OJF-ve. Meta kërkoi nga Kuvendi që çështja në fjalë të trajtohet me kujdes maksimal duke mos lejuar që shteti të humbë të gjitha kompetencat mbi Parkun Kombëtar.

Parku Kombëtar i Butrintit

Presidenti kërkoi që para çështjeve të rëndësishme që lidhen me trashëgiminë kombëtare dhe kulturore, Kuvendi të mos votojë me sy mbyllur.

“Parku Kombëtar i Butrintit është një pasuri e paluajtshme e regjistruar në listën botërore të UNESCO-s. Sipas konventës së Parisit, përgjegjësia mbi këto objekte nuk mund të kalojë në OJF, por mbetet te shteti. Shteti nëse do të aplikojë këtë formë të re administrimi nëpërmjet një fondacioni, duhet të ruante rolin e tij. Presidenti i Republikës nuk është kundër formave të bashkëpunimit shtet-privat, aq më pak me Fondin Shqiptaro Amerikan, por është e papranueshme logjika që për pasuri të tilla si Butrinti, me rëndësi historike, shteti të heqë dorë nga çdo përgjegjësi. Nëse qeveria sot deklaron mosgarantimin në perspektivë të vlerave si mund ta garantojë atë me një pjesëmarrje në një fondacion ku rolin dhe vendimmarrjen e ka të kufizuar. Kjo çështje duhet të marrë kohën e nevojshme dhe të trajtohet me kujdesin maksimal nga Kuvendi i Shqipërisë. Qëndrimet e mia si President kanë qenë shumë të qarta në mbrojtjen e trashëgimisë kulturore dhe kombëtare si çështja e Teatrit dhe çështja për të cilën po diskutojmë. Dëshiroj që për çështje kaq të rëndësishme Kuvendi të mos votojë me sy mbyllur, por t’i hapë sytë mirë”, tha Meta.

Thirrja për maxhorancën

Meta nuk u shpreh shumë optimist për maxhorancën lidhur me faktin se sa mund ta ndryshojë vendimin për Butrintin.

“Nuk kam shprehur ndonjë optimizëm mbresëlënës sa i takon mundësisë reflektimit nga ana e maxhorancës. Por edhe njëherë apeloj për një çështje kaq të rëndësishme të ketë një reflektim”, u shpreh Meta.

Kallëzimi penal i Valterit

Meta komentoi sërish kallëzimin penal të Halit Valterit për lobim. Duke e quajtur një ‘lajm absurd’, Meta tha se pas 25 korrikut sistemi do të shkundet nga themeli.

“Këto lajme absurde si vetë personazhet që i njihni të gjithë nuk kemi asnjë shpërqëndrim jo vetëm nga detyrat e presidentit deri më 24 korrik, por edhe nga angazhimet e Ilir Metës duke nisur nga 25 korriku. Sa i takon gazetës austriake ajo do ta marrë përgjigjen atje. Do të jeni të ftuar në seancat që o të zhvillohen atje. Ata që janë në kërkim të letrave për azil për të shpëtuar drejtësisë këtu edhe të tjerë që vazhdojnë biznesin e inceneratorëve, të vazhdojnë të bëjnë më të mirën e tyre. Ky është një sistem që do të shkundet nga themeli duke filluar nga 25 korriku”, deklaroi Meta.