Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

DITARI POLITIK

Kuvendi rrëzon kërkesën e Alibeajt/ Debat mes palëve, Bardhi: E hodhët poshtë sepse një ministër rrezikon burgun

Politiko 9 Qershor 2022, 11:15

Kuvendi rrëzon kërkesën e Alibeajt/ Debat mes palëve,

Kuvendi ka rrëzuar kërkesën e Enkelejd Alibeaj për ngritjen e një Komisioni Hetimor për Investimet Strategjike. Kryetarja Lindita Nikolla deklaroi se në 31 maj u mblodh Konferenca e Kryetarëve, ku nuk u miratua futja në rendin e ditës së kërkesës për Komisionin Hetimor.

Ky vendim ka sjellë debat mes palëve. Alibeaj u shpreh se vendimi bie ndesh me Rregulloren e Kuvendit, duke thënë se “si mund të jetë besim qytetar i që ti do hetosh zbatimin e një ligjim kur ti shkel me të dyja këmbët , ligjin bazë, atë të respektit dokumenteve. Keni shkelur ligjin zotëri. Nuk ka ndodhur kurrë”.

Ndërsa kryetari i grupit të PS-së, Taulant Balla tha se kërkesa bëhet nga fillimi, kur një deputet tërhiqet. Kujtojmë që Agron Duka tërhoqi firmën dhe më pas kërkesa u plotësua me nënshkrimin e Lulzim Bashës.

“Ka dy vlerësime, aspekti i përmbushjes së formës dhe karakterit formal të kërkesës. S’doja ta zhvilloja këtë debat me ju. S’ka ndodhur në Kuvend që të marrësh firma nga një kërkesë të rrezuar dhe me të njëjtat firma të sjellësh një kërkesë të re. Kjo është përpjekje për falsifikim.

Firma është një shprehje vullneti që shprehet një herë. Nuk mund ta marrësh firmën e një firmëtari dhe ta transferosh në dokumentin tjetër. Aty ishin shtuar dy firma të reja për një dokument të ri. Si mund t’ju besojnë juve qytetarët kur kërkoni zbatimin e ligjit dhe e nisni kërkesën tuaj me shkelje ligji”, u shpreh Balla.

Pas deklaratës së këtij të fundit, ka reaguar deputeti tjetër demokrat, Gazment Bardhi. Ky i fundit iu drejtua Ballës se arsyetimet mbi të cilat u bazua rrëzimi i kërkesës ishin justifikime.

Bardhi hodhi akuza se kërkesa u hodh poshtë sepse një nga ministrat më të rëndësishëm rrezikon burgin, Një deputet i këtij Kuvendi që është një nga ministrat më të rëndësishëm të këtij Kuvendi, rrezikon mandatin dhe së dyti të shkojë në burg.

Kjo deklaratë e Bardhit ishte për ministren e Jashtme, Olta Xhaçka, pasi bashkëshorti i saj mori statusin e investitorit strategjik.

“Një deputet i këtij Kuvendi që është një nga ministrat më të rëndësishëm të këtij Kuvendi, rrezikon mandatin dhe së dyti të shkojë në burg. Në kushtet e flagrante të interesit, bashkëshorti i saj ka fituar statusin e investitorit strategjik. Individë anonimë me kompani offshore, kanë përfituar të gjitha projektet për investime strategjike.

Pasuritë publike janë kthyer në plaçkë dhe kryeministri zgjohet në mëngjes dhe thotë se cilit do t’i japë një copë tokë. Duhet të jemi të ndershëm më shqiptare ju vini dhe nuk dini se çfarë flisni. Keni një listë me 36 firma dhe thoni është e falsifikuar. Kryetare merrini dhe pyesni a kanë ato vullnetin për të hetuar të gjitha proceduar. Nëse dikush thotë nuk kam vullnet do të thotë se është falsifikuar. Po ju mendoni se secili prej nesh në këtë sallë është njëlloj si ju. Ju jeni për ti shërbyer Olta Xhaçkës”, tha Bardhi.