Flash News

Arrestohet babai i kandidates së PSD në Fier, policia: Bleu vota për të bijën

Kanosje për një votë, nënkryetari i partisë nën hetim nga SPA

PD-ASHM kryeson në Kukës pas numërimit të 71 kutive

BIRN: Krimi i organizuar “orientoi” votën në Durrës

Vijon numërimi në Tiranë, ja si ndahen votat dhe mandatet deri tani

DITARI POLITIK

PD bllokon numërimin e votës nga Greqia, Celibashi: Po vlerësojmë situatën, do marrim vendim

Politiko 12 Maj 2025, 00:44

PD bllokon numërimin e votës nga Greqia, Celibashi: Po

Përfaqësuesit e PD-së kanë kërkuar ndalimin e menjëhershëm të numërimit për votat e Greqisë, duke pretenduar parregullsi dhe duke e çuar çështjen për shqyrtim pranë Komisionit Qendror të Zgjedhjeve.

Kjo ndërhyrje ka ndodhur menjëherë pas hapjes së zarfeve të para me fletët e votimit të emigrantëve.

Kreu i KQZ-së, Ilirjan Celibashi, i cili ndodhej në Parkun Olimpik, doli në një konferencë për mediat për të sqaruar situatën. Ai tha se vendimmarrja për çështje të tilla do të merret mbi bazën e ligjit.

“Mesazhet që përcollën në përfundim të procesit ët votimit, nuk kanë rezonuar mirë për të gjithë, po vlerësojmë situatën, kemi komunikuar me anëtarët e grupeve të numërimit për ta zgjidhur këtë situatë.

Është në kompetencën e anëtarëve të grupit të numërimit për të vlerësuar çdo zarf, nëse ata nuk marrin vendim, këtë vendim e merr komisioni i administrimit të votave nga jashtë.

Do marrim një vendim me këtë situatë. Jemi duke e vlerësuar, po bëjmë të gjitha përpjekjet që procesi të ecë.

Do marrim një vendim për ta zgjidhur këtë situatë. Me çfarëdolloj veshje askush nuk mund ta sfidojë ligjin, ne kemi gjithë qetësinë për ta zgjidhur.

Është çështje kohe që çdo të kthehet në shinat e ligjit. Nëse dikush ka iluzione që me tematika të caktuara ka interes të sfidojë ligjin, është çështje kohe.

 Për ne është e rëndësishme që vendimmarrjet të jenë të qarta dhe të pakontestueshme nga kushdo. Nuk po i plotësojmë tekat një subjekti”, tha Celibashi.

Të fundit