Flash News

Tre efektivë policie në Tiranë nën hetim për veprime arbitrare ndaj një të mituri

DW: Zgjedhjet parlamentare, provë vendimtare për në BE

Gazment Bardhi me akuza të forta: Terroristë elektoralë të Ballukut po blejnë vota në Fier

Kandidati i PS para në këmbim të votave? Policia procedon personin që e denoncoi me video

Prokuroria kërkon tre burgime të përjetshëm për Dan Hutrën

DITARI POLITIK

Po blejnë vota në Lushnjë? PD: Policia, një bandë në shërbim të Ballukut

Politiko 14 Prill 2025, 13:41

Po blejnë vota në Lushnjë? PD: Policia, një bandë

Partia Demokratike ka reaguar në lidhje me arrestimin e 38-vjeçarit Marin Leka në Lushnjë, i cili dyshohet se i kishte marrë kartë ID qytetarit Muharrem Toska, dhe i kishte premtuar lekë në këmbim të votës në 11 Maj për demokratët.

PD e konsideron si një sajesë të turpshme si të Sigurimit të Shtetit, teksa distancohet nga çdo krim elektoral dhe i bëjnë thirrje SPAK-ut që të hetojë rastin dhe të vendosë para përgjegjësisë cilindo që ka shkelur ligjin.

Për rastin në fjalë, PD e konsideron Policinë e Shtetit si një bandë në shërbim të Belinda Ballukut, pasi sipas tyre, ka bërë këtë sajesë të trashë dhe qesharake për llogari të drejtueses politike të PS-së në Qarkun e Fierit.

REAGIM I SHTABIT TË PD, QARKU FIER

Sajesat e turpshme si të Sigurimit të Shtetit as na ndikojnë, as na shfokusojnë nga misioni ynë për të bërë më të mirën për Shqipërinë. Ne distancohemi nga çdo krim elektoral dhe jemi në krye të betejës kundër shkeljeve të ligjit në zgjedhje.

Manipulimet e opinionit publik të kryer nga Policia e Shtetit, një bandë në shërbim të Belinda Ballukut, duhet të marrin përgjigje nga Prokuroria e Posaçme. SPAK duhet të hetojë menjëherë rastin dhe të vendosë para përgjegjësisë cilindo që ka shkelur ligjin.

Ne kemi besim të plotë tek SPAK për zbardhjen e këtij rasti, ku po keqpërdoret Policia e Shtetit për propagandë bajate kundër PD.

Sajesa e trashë, qesharake dhe e turpshme e Policisë së Shtetit është bërë për llogari të PS dhe Belinda Ballukut për të zhurmuar krimin elektoral të detyrimit të administratës për të marrë pjesë në mitingjet e PS.

 35 fletëthirrje janë dërguar tek strukturat e Partisë Socialiste për krime zgjedhore vetëm ditën e djeshme për këtë krim elektoral. Ne inkurajojmë Prokurorinë e Posaçme që të vijojë punën për goditjen e çdo krimi zgjedhor në qarkun Fier.

Të fundit