Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

DITARI POLITIK

"Pronat e FA jepen me qira", Xhaferri: I jeni vërsulur bazave si çetë, Peleshi: S’kam autorizuar privatizime

Politiko 30 Maj 2022, 12:19

"Pronat e FA jepen me qira", Xhaferri: I jeni vërsulur bazave si

Deputeti demokrat Ferdinand Xhaferri thirri në interpelancë sot ministrin e Mbrojtjes, Niko Peleshi, lidhur me privatizimin e pronave të Forcave të Armatosura të Shqipërisë.

Xhaferri kërkoi informacion mbi administrimin e pronave të vitit 2014, duke filluar nga statusi i ish-vend dislokimit të bazës ajrore në Kuçovë e deri te dhënia me qira e bazës detare në Sarandë.

“Cili është statusi i pronës së ish vend dislokimit të bazës ajrore në Kuçovë, Berat? A vijon të jetë në planin e vendosjes prona në Shëngjin Lezhë? A është ndjekur nga procedura për dhënien me qira të bazës detare në Sarandë? A ka pasur Ministria e Mbrojtjes shkelje ligjore në administrimin e pronave në vitin 2014 dhe cilat kanë qenë përgjegjësitë e personave që kanë shkelur ligjin? Kam kërkuar këtë interpelancë me Niko Peleshin për të dhënë shpjegime dhe informacione. Ne nuk kemi shtet po kemi një çetë rilindase që i është vërsulur bazave ajrore dhe detare. Në Shëngjin është lejuar ndërtimi i një prone 4 katëshe. Kanë lejuar njohjen e pronës dhe ndërtimin e ndërtesës. Lidhur me bazën ndihmuese në Sarandë, më korrik të 2020 u dha për investim strategjik me çmim 1 euro. Dhënia me qira e bazës duke cenuar ndjeshëm kapacitete detare është bërë në shkelje të ligjit”, tha Xhaferri.

Ministri Peleshi i quajti spekulime duke u shprehur se FA trashëgojnë asete të një ushtrie të para vitit 1990. Lidhur me çështjen e dhënies së pronave në përdorim të investitorëve, Peleshi tha se nuk është mëkat, teksa mohoi të ketë autorizuar privatizimin e ndonjë prone.

“Sot që e kemi këtë bazë jemi krenarë. Po e bëjmë tani realitet. Ne nuk i vëmë shumë mbiemra politikë këtyre zhvillimeve sepse kanë lidhje me sigurinë tonë kombëtare. Thatë mungesë transparence por nuk e thatë pse. E gjithë interpelanca është spekulative. Nuk keni të drejtë të thoni që nuk ka transparencë. FA trashëgojnë asete të një ushtrie të para vitit 90. Realiteti ka ndryshuar por nuk është kollaj të ndryshojë me pronat e ushtrisë. Sot që flasim kemi 1372 prona në emër të FA. Çështja e dhënies së pronave në përdorim të investitorëve nuk është mëkat por detyrë që na e cakton ligji. Nuk kam dhënë asnjë pronë me qira nuk kam dhënë autorizim për privatësinë e asnjë prone”, deklaroi Peleshi.