Flash News

Martesa e Luizit ‘e bekuar’ nga Erion Veliaj ishte mashtrim (Dokumenti)

Shoqërohet në polici Drejtori i Ujësjellësit në Shkodër

Sulmohen përsëri ushtarët e KFOR-it në Zveçan

Shkoi për të peshkuar, gjendet i vdekur i moshuari në Kuçovë

Tensionet në veri, Shefi i NATO-s: 700 forca shtesë në Kosovë

DITARI POLITIK

PS-ja ndërron “problematikët”, emrat e Berishës dhe Ramës për zgjedhjet e 14 majit

Politiko 22 Mars 2023, 08:20

PS-ja ndërron “problematikët”, emrat e Berishës dhe

Zgjedhjet lokale të 14 majit janë shumë afër dhe ndërkohë janë zbuluar disa prej kandidatëve për kryetar baskie të disa prej qyteteve kryesore të vendit.

Në emisionin “Open” të Eni Vasilit në News24, janë publikuar përballjet në qytetet kryesore ku Elbasani, Durrësi dhe Shkodra pritet të jenë garat më interesante.

Ashtu siç është konfirmuar tashmë PS do të rikandidojë Erion Veliajn në Tiranë, Gledjan Llatjen në Elbasan, Emirjana Sakon në Durrës si dhe kandidojë për herë të parë Benet Becin në Shkodër.

Grupi i Berishës që do të kandidojë nën logon e koalicionit “Bashkë Fitojmë” me Ilir Metën, Vangjel Dulen dhe Nard Ndokën, do të kandidojnë dy deputetët Belind Këllici dhe Luçiano Boçi në Tiranë e Elbasan, ish-deputetin Igli Cara në Durrës dhe do të rikandidojë Bardh Spahinë në Shkodër.

PS-ja ndërkohë mesa duket po ndërron kryebashkiakët me probleme me ligjin në prag të zgjedhjeve në disa qytete.

Në Vorë, një bashki ku kryebashkiaku socialist Agim Kajmaku u arrestua, socialistët do të kandidojnë Blerim Sherën përballë sekretarit të PD-së për Diasporën, Indrit Hoxha.

Një tjetër zëvendësim është edhe në Vlorë, ku Dritan Leli prej kohësh ishte kthyer në “armik” të kryeministrit.

Në këtë qytet bastion të të majtës, emri më i lakuar është ai i ish shefit të Protokollit në Ministrinë e Jashtme në kohën e Berishës, Ermal Dredha. Ndërsa kandidati i opozitës do të jetë Hysen Sharra.

Rama ka vendosur gjithashtu që në shumicën e bashkive të rikandidojë kryetarët aktualë, ndërkohë që e djathta do të jetë në pritje deri në hënën në mbrëmje për të parë nëse PD e Alibeajt do të fusë kandidatë për kryetarë të bashkive, apo do të mjaftohet vetëm me këshilltarë bashkiakë.

PS-ja ndërron “problematikët”, emrat e Berishës dhe