Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

DITARI POLITIK

Nuk miratohet kalendari i punës/ Alibeaj: S’pranuat dy kërkesat tona. Balla tregon planin e PS për rezolutën ndaj gjenocidit serb

Politiko 16 Qershor 2022, 10:47

Nuk miratohet kalendari i punës/ Alibeaj: S’pranuat dy kërkesat

Konferenca e Kryetarëve nuk ka miratuar kalendarin e punës për Kuvendit për shkak të mosdakordësive mes palëve. Kështu bëri me dije në nisje te seancës, nënkryetarja e Kuvendit Ermonela Felaj.

Deputeti Enkelejd Alibeaj kërkoi fjalën, ku theksoi se nuk ishin dakord pasi nuk u përfshinë në kalendarin e punës kërkesa për ngritjen e komisioni hetimor për investimet strategjike dhe për rezolutën për mocion me debat për gjenocidin në Kosovë.

“Edhe dje ju nuk e përfshitë në rend dite, besoj që kjo është shkelje së paku flagrante e rregullores. Këto ishin shkaqet për të cilat do duhet që ky Kuvend jo vetëm të mbrojë të drejtat e deputetëve por dhe të veprimtarisë normale të marrë masa për të rikuperuar situatën e rëndë të krijuar dje në konferencën e kryetarëve”, deklaroi Alibeaj.

Edhe deputeti Tritan Shehu e konsideroi shkelje të rëndë refuzimin që i është rezolutës që dënon gjenocidin serb.

“Është një shkelje e rëndë që në mbledhjen e konferencës se kryetarëve për mocion me debat për rezolutën për genocidin serb në Kosovë. Ju me qëllim nuk e vutë në këtë datë për të ulur rëndësinë në imazh të asaj që do të bënte parlamenti shqiptar. Ka rëndësi për Shqipërinë, rajonin. Jeni në shkelje të rëndë të rregullores së Kuvendit”, u shpreh deputeti.

Më pas fjalën e ka marrë kreu i grupit të PS-së, Taulant Balla, i cili deklaroi se më 7 korrik do të mbahet në Kuvend seanca për të dënuar gjenocidin e Srebrenicës.

Ai shtoi se do të hartohet një dokument serioz dhe njoftoi se do të jenë të ftuar edhe përfaqësues të qeverisë së Bosnje Hercegovinës dhe familjarë të viktimave nga ky gjenocid.

“Kemi rënë dakord që Kuvendi të mbajë një seancë të posaçme për këtë çështje. Nuk do të mbahet në datë 11 korrik. Kam kërkuar të mbahet në datë 7 korrik ku natyrshëm të mbahen fjalët e rastit dhe dokumenti të jetë serioz ku Kuvendi i Shqipërisë të shprehë qartë dënimin dhe vijimin e qëndrimeve të qeverisë shqiptare në lidhje me pandëshkueshmërinë e këtij gjenocidi.

Do ftojmë edhe përfaqësues të shtetit të Bosnje Hercegovinës dhe familjarë të viktimave të këtij gjenocidi. Në datë 7 korrik Kuvendi i Shqipërisë në një pjesë të seancës të ketë një moment të posaçëm për kujtimin e viktimave në gjenocidin e Srebrenicës. Kuvendi i Shqipërisë merr dhe qëndrimin përkatës për këtë çështje”, tha Balla.