Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

DITARI POLITIK

"Një idiot i rikthyer nga KÇK"/ Tabaku dhe Duma replika me Ballën: Gabimet tuaja ja vishni të tjerëve

Politiko 22 Shtator 2022, 12:41

"Një idiot i rikthyer nga KÇK"/ Tabaku dhe Duma replika me

Tragjedia e Himarës, dy muaj më parë, ku Jonada Avdia 7-vjeçarja humbi jetën pasi u përplas nga një skaf, është rikthyer në temë debati në Kuvend.

Ishte deputetja demokrate Grida Duma e cila e risolli në vëmendje teksa po diskutohej projektligji “Për aderimin e Republikës së Shqipërisë në Konventën mbi Organizatën Ndërkombëtare për ndihmat detare në lundrim”.

Dum tha se qeveria diskuton ndihma detare për lundrim, në një kohë kur nuk ka siguri në det. Kreu i grupit parlamentar të PS-së Taulant Balla iu përgjigj Dumës duke i thënë se polici Arjan Tase i cili përplasi për vdekje 7-vjeçaren në Potam, ishte shkarkuar nga Policia e Shtetit dhe u rikthye në detyrë nga një prokuror “KÇK-je”.

“Një element nga ajo tragjedi dua të sjell në vëmendje sot, që ky personi që kreu aksidentin nuk duhej të ishte në atë pozicion, dhe strukturat e policisë e kishin flakur nga detyra, dhe pastaj u shfaq një prokuror nga ekipi i KÇK që përmes korrupsionit 30 vjeçar e riktheu në polici. Ndaj mendoj se kur flasim, kur marrim përsipër bëjmë dhe gjyqtarin, prokurorin, gazetarin, duhet t’i marrim faktet një për një. Kjo është një nga ato rastet për të kuptuar sa e rëndësishme ka qenë reforma në drejtësi.

Një idiot që flakët nga policia, gjen një idiot tjetër në drejtësi, bëjë pazare… prokurori që ka rikthyer në detyrë këtë, e ka fshirë Vetingu. E dëgjova me vëmendje fjalën e zonjës Tabaku, edhe për çështje që lidhen me vijueshmëri e implementimit të reformës në drejtësi, janë çështje që duhet të na bashkojnë, i kuptoj tronditjet që sjellin dita ditës ftesat për t’u paraqitur në SPAK, nga të gjtha krahët”, tha Balla.

Duma replikoi me Ballën i cili e konsideroi Tasen një ‘idiot’ të rikthyer në radhët e policisë me pazare. Demokratja iu drejtua Ballës duke i thënë se gabimet që qeveria bën, ia vesh dikujt tjetër.

“The se të gjithë kanë reaguar keq veç familjarëve, në fakt atë që bëni vetë ju ia vishni të tjerëve. Është e udhës t’u them se nuk kam bërë asnjë reagim për rastin, se e di shumë mirë në ç’nivele ka arritur prestigji i politikës, sa e di që duhet të përmbahem edhe kur dua të reagoj. Ju pyes ju, mirë ky ishte idioti që e vuri një prokuroi që kur vjen puna te gabimet ju rrëshqet dhe ia vishni dikujt, njeriu që filmonte këtë idiotin? Se ishin dy policë që po filmonin njëri-tjetrin? Çfarë ishin këta?”, tha Duma.

Në replikën e koleges ka ndërhyrë edhe Jorida Tabaku, e cila i është rikthyer ndërhyrjes së politikëës në drejtësi dhe konkretisht kërkoi që PS të qëndrojë larg zgjedhjes së kreut të ri të SPAK.

“Kjo dakordësia është e ekzagjeruar… ju drejtova të gjithë krahëve të politikës për të larguar duart nga SPAK, gjëja që biem dakord është që PS nuk duhet të ndërhyjë në emërimin e kreut të SPAK. Biem dakord për mbështetjen që duhet t’i japim Kosovës. Biem dakord për shumë pak gjëra, por besoj se aq sa ka bërë PD për Kosovën, bashkimi që ka bërë së fundmi edhe PS, vetëm mirë bëjnë”, tha Tabaku.