PD me popullin në shesh, PS me votën në kuti – kush po manipulon realitetin?

Politiko.al

Partitë kryesore në vend, Partia Demokratike dhe Partia Socialiste, mbyllën fushatat e tyre zgjedhore me mitingje madhështore në Tiranë më 9 maj.

 Ajo që ra në sy ishte pjesëmarrja dukshëm më e madhe në tubimin përmbyllës të Partisë Demokratike, krahasuar me atë të Partisë Socialiste.

Por ndonëse imazhet dhe videot e shesheve të tejmbushura mund të krijojnë idenë e një fitoreje të afërt për PD, rezultatet e zgjedhjeve tregojnë të kundërtën: PS renditet forcë e parë.

Mitingu përmbyllës i PD-së u shoqërua me entuziazëm të lartë, pjesëmarrje masive dhe një organizim që rikujtoi periudha të hershme të mobilizimit demokrat. Në fokus të këtyre takimeve ishte individi, programi për një jetë më të mirë, pensionet, arsimi, shëndetësia.

Përballë kësaj, PS zgjodhi një ton ofendues dhe bullizues. Ku kryeministri Edi Rama, në takimet që bënte nisi dhe të ofendonte jo vetëm kundërshtarët por dhe qytetarët e mbarë Shqipërisë, duke i quajtur çyrykë, autik dhe shumë e shumë terma të tjerë.

Përfundim: Fushata fitohet në shesh, zgjedhjet në kuti

Pamjet madhështore nga mitingu përmbyllës i PD-së janë dëshmi e një force që është rigjallëruar dhe ka fituar besimin e një pjese të madhe të opinionit publik.

Ku qytetarët dolën dhe mbushën sheshet duke treguar mbështetjen për demokratët, për aleancën për Shqipërinë Madhështore.

Dhe ku shkuan në 11 maj ata shqiptarë të cilët i mbushën këto sheshe, ku shkuan votatat e tyre? Nuk bën sens.

Mos të flas për takimet e diasporës, ku stadiumet apo pallatet e kongreseve tejmbusheshin nga atdhetarë që u ishte dashur të largoheshin nga shtëpitë e tyre për shkak se politikat qeverisëse këtu, në tokën e tyre, nuk ishin favorizuese dhe siç thotë populli “nuk kishin një kafshatë bukë për të ngrënë”.

Tani, vërtetë jetojmë në Shqipëri, por kjo Shqipëria paska qenë vërtete e habitshme dhe “me superfuqi”.