Flash News

Përfshihet nga flakët një banesë në Kolonjë

CNN: Trump mund të mbyllë rreth 30 ambasada dhe konsullata të huaja, prek edhe Ballkanin

Trump vendos më shumë tarifa për çipat kompjuterikë dhe produktet farmaceutike

E rëndë në Fier, 53-vjeçarja gjendet e pajetë në garazh

Dosja “Toyota”, SPAK kërkon 4 vite burg për Aurel Zarkën

DITARI POLITIK

Votat me postë të diasporës, nisen sot zarfet me fletët e votimit

Politiko 14 Prill 2025, 09:05

Votat me postë të diasporës, nisen sot zarfet me fletët e

Dërgesa e parë me materialet zgjedhore për diasporën, do të niset këtë të hënë. Përgatitja e zarfave është bërë prej disa ditësh në ambientet e Parkut Olimpik në Tiranë, të cilët do t’u dërgohen shqiptarëve që jetojnë jashtë vendit.

Procedura përgatitore përfshin vulosjen e fletës së votimit, futjen e saj në një zarf të anonimizuar, më pas vendosjen në një zarf të dytë që përmban të dhënat e koduara të votuesit.

Bashkë me zarfin B, në pakon përfundimtare përfshihen edhe një udhëzues për mënyrën e votimit, një listë me kontaktet e korrierëve ndërkombëtarë, si dhe një zarf kthimi për rikthimin e votës drejt KQZ-së.

Disa nga qarqet me më pak votues, si Kukësi, Dibra dhe Vlora, tashmë kanë përfunduar përgatitjen e materialeve, të cilat janë nisur me postë.

Kryekomisioneri Ilirjan Celibashi, ka njoftuar më herët se qytetarët shqiptarë që jetojnë në vendet e Europës mund të presin që zarfi t’u mbërrijë brenda 48 orëve. Ai u ka bërë thirrje emigrantëve që të votojnë brenda tre ditëve dhe të telefonojnë në kontaktet e ofruara pas përfundimit të procesit.

Zarfet me votat e diasporës pritet të fillojnë të kthehen në KQZ nga mesi i javës së ardhshme, ndërsa numërimi do të bëhet më 11 maj, në të njëjtën ditë me votimin brenda vendit.

Të fundit