Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

DITARI POLITIK

Zelensky nga Tirana: Duhet rritur presioni ndaj Rusisë, delegacioni i Putinit në Turqi nuk merr dot vendime

Politiko 16 Maj 2025, 13:54

Zelensky nga Tirana: Duhet rritur presioni ndaj Rusisë, delegacioni i

Presidenti i Ukrainës, Volodymyr Zelensky, ka bërë thirrje për rritjen e presionit ndërkombëtar ndaj Rusisë, në mënyrë që të arrihet një marrëveshje për paqen. Deklarata u bë gjatë fjalës së tij në samitin e Komunitetit Politik Evropian, që po mbahet në Tiranë.


Zelensky tha se Ukraina është e gatshme për zgjidhje diplomatike dhe se ai vetë ka qenë në Ankara për të avancuar përpjekjet për paqe. Megjithatë, sipas tij, pala ruse nuk ka treguar asnjë vullnet për progres.


“Putin nuk ra dakord për asgjë. Delegacioni që dërgoi në Turqi ishte shumë i ulët, pa mundësi për të marrë vendime. Rusia po vazhdon të minojë diplomacinë, ndërsa ne kërkojmë një armëpushim të plotë dhe të pakushtëzuar, si dhe krijimin e një baze të fortë për negociatat,” tha Zelensky.


Presidenti ukrainas falënderoi Shqipërinë për mikpritjen, duke e cilësuar jo vetëm një vend të bukur, por edhe një partner të angazhuar për paqen dhe integrimin evropian.


“Rusia po bën thjesht teatër me këto bisedime, duke dërguar të njëjtët njerëz si në vitin 2022, që nuk kanë arritur asgjë. Nuk jemi ne ata që po minojmë negociatat, por janë rusët,” përfundoi ai.

Të fundit