Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ditmir Bushati për Financial Times: Tranzicioni në Shqipëri po zgjat sa komunizmi

Politiko 3 Shkurt 2020, 20:02

Ditmir Bushati për Financial Times: Tranzicioni në Shqipëri po

Valerie Hopkins/ Financial Times

Javën e kaluar, një tërmet me magnitudë 4.9 tronditi kryeqytetin shqiptar Tiranën. Nuk pati dëme, por njerëzit u larguan nga shtëpitë sepse vendi është akoma i traumatizuar nga një tërmet me magnitudë 6.4 në fund të nëntorit që vrau 51 njerëz dhe la 15,000 të pastrehë.

"Gjysma e dytë e vitit u mbizotërua nga tërmetet," më thotë kryetari i bashkisë së qytetit Erion Veliaj në zyrën e tij. "Mjedisor, politik, diplomatik"

Tërmeti më i madh i llojit diplomatik ishte vetoja e presidentit francez Emmanuel Macron në tetor për hapjen e bisedimeve të pranimit në BE me Shqipërinë (dhe Maqedoninë e Veriut).

Ndërsa Mbretëria e Bashkuar del nga BE, Shqipëria dhe vendet e tjera në Ballkanin Perëndimor dëshirojnë dëshpërimisht të anëtarësohen. Sidoqoftë, ata tani pyesin nëse do të jenë ndonjëherë të mirëpritur në bllok.

Me shpresën për fillimin e negociatave të pranimit, Shqipëria ka kaluar një proces shumë të ndërlikuar të vetingut gjyqësor, i cili i pa të rrallohehsin radhët e gjykatave supreme dhe kushtetuese, duke i inkapacituar. Vendi po kërkon gjithashtu një ligj gjithëpërfshirës për krimin e organizuar që do të lehtësojë bashkëpunimin ndërkombëtar në dosje penale të krimit.

Maqedonia e Veriut ndërmori hapin mjaft kontroverial për ndryshimin e emrit për të hequr veton nga Greqia, për t'u penguar më pas nga z. Macron. Ndërsa presidenti francez kërkon të reformojë BE përpara zgjerimit të saj, ata që duan të bashkohen e gjejnë veten më larg se kurrë.

"Kjo është pika e thyerjes", më tha një mikeshë mbi një filxhan me çaj mali në një kafene në qendër të qytetit. Ajo thotë se ajo dhe bashkatdhetarët e saj mendojnë se vendimi për të mos hapur rrugën e negociatave ishte për shkak të ndjenjës së vazhdueshme antishqiptare dhe islamofobisë (megjithëse vendi është i përzier midis katolikëve, të krishterëve ortodoksë dhe muslimanëve).

Shumica e njerëzve në Ballkan do të preferojnë t'i shohin vendet e tyre të bashkohen në BE për mundësitë ekonomike dhe standardet e jetesës që ajo ofron. Por, për një grup të konsiderueshëm, bllokun, ndërsa lufton me Brexit-in, me një populizëm në rritje, ankth demografik dhe rritje të ngadaltë, kjo nuk paraqet më një ëndërr. Dhe me refuzimin për të shpërblyer një veprim kaq tronditës sa ndryshimi i emrit të një vendi, nuk arrin të përfaqësojë vlerat që aq shumë kanë dëshirë të krijojnë në rajon që nga vitet e vështira 1990.

Eshtë një barcaletë në Ballkan që thotë se nëse vendet nuk lejohen të hyjnë në BE, qytetarët do të bashkohen gjithsesi - një nga një. Po ndodh. Vendet e rajonit kanë humbur kolektivisht më shumë se 400,000 qytetarë në moshë pune në pesë vitet e fundit, sipas hulumtimeve të fundit nga Këshilli i Bashkëpunimit Rajonal.

Ndërsa ekziston një ndjesi e dukshme se një epokë tjetër po agon në Ballkan, askush nuk e di se si do të duket. "Tani që erdhi 2020, është dekada e katërt e tranzicionit," më thotë ish-ministri i Jashtëm i Shqipërisë Ditmir Bushati gjatë një dreke me prodhime deti. "Po kaq kohë kishim edhe komunizmin. Dhe katër dekada më pas, ekziston rreziku që BE të mund ta humbë rajonin".

Përkthimi: Politiko.al