Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

‘Doktrina Trump’ për sigurinë kombëtare ngjall reagime. Moska: Ka karakter perandorak. Pekini: Mentalitet i Luftës së Ftohtë

Politiko 19 Dhjetor 2017, 16:42
‘Doktrina Trump’ për sigurinë kombëtare ngjall

Rusia dhe Kina kanë reaguar ashpër pas strategjisë së re të sigurisë kombëtare të SHBA, e shpallur dje nga presidenti Donald Trump. ‘Doktrina Trump’ i referohet Kinës dhe Rusisë, si rivalë të Uashingtonit dhe që synojnë shkatërrimin e fuqisë dhe interesave të Shteteve të Bashkuara.

Dmitry Peskov, zëdhënës i presidentit të Rusisë, Vladimir Putin, tha sot se strategjia e re e ka një “karakter perandorak” dhe e ka akuzuar Uashingtonin se synon një “botë njëpolare”. Rusia “nuk mund ta pranojë se trajtohet si kërcënim për sigurinë e Shteteve të Bashkuara” u tha Peskov gazetarëve në Moskë.

Ndërkohë, një zëdhënëse e qeverisë kineze tha se Kina shpreson që Shtetet e Bashkuara ta lënë pas mentalitetin e lojërave ku fituesi i merr të gjitha, si dhe të kërkojnë pikat e përbashkëta, duke respektuar ndërkohë edhe diferencat.

“Bashkëpunimi është zgjedhja e vetme e mirë për Kinën dhe Shtetet e Bashkuara dhe vetëm nëse të dyja palët fitojnë mund të kemi një të ardhme më të mirë. Nuk është befasuese që të dyja fuqitë të kenë diferenca, por të dyja duhet të ndërmarrin hapa konstruktive për të respektuar interesat dhe shqetësimet themelore të njëri-tjetrit. I bëjmë thirrje SHBA-së të mos vazhdojë shtrembërimin e qëllimshëm të objektivave strategjike të Kinës, si dhe të braktisë idetë e vjetëruara me mentalitete të Luftës së Ftohtë. Nëse nuk vepron kështu, ka për të dëmtuar veten dhe të tjerët”, deklaroi zëdhënësja e Ministrisë së Jashtme kineze, Hua Chunying.

Në strategjinë e re të sigurisë kombëtare, të bazuar tek platforma e Presidentit Trump “Amerika e Para”, Shtetet e Bashkuara i klasifikuan Kinën dhe Rusinë, si rivalë që kërkojnë të gërryejnë sigurinë dhe begatinë e Shteteve të Bashkuara.

Të fundit