Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

‘Dokumenta për skemën e hajdutërisë tek Unaza e Re’. Faktet që mund të publikohen nga Partia Demokratike

Politiko 11 Nëntor 2018, 20:04

‘Dokumenta për skemën e hajdutërisë tek Unaza e

Kryetari i Partisë Demokratike, Lulzim Basha njoftoi së nesër do të publikohen fakte që tregojnë skëmen vjedhjes së parave te projekti i Unazas se Re.

Basha nuk ka dhënë asnjë detaji por ndër dokumentat që pritet të publikohen mund të kenë lidhje me dy kompanitë fituese të tenderit 18 milion eurosh të segmentit të parë: DH Albania dhe Biba-X.

Kështu: DH Albania është kompani regjistruar në Shqipëri më 18 korrik 2018 si degë e një kompanie të huaj Dunëel Haberman, me përfaqësues ligjor 26 vjeçarin Avdjol Dobi.

Kompania mëmë, Dunwel Haberman ltd është regjistruar në një parajsë fiskale, në shtetin Delaëare të SHBA-ve dhe duket të jetë një kompani rafti—kompani pa aktivitet, e krijuar për t’u shitur në letër.

Në Qendrën Kombëtare të Biznesit, si përfaqësuese ligjore e kompanisë mëmë është regjistruar Nesha Lynn Kumar, shtetase dhe banore e Ishujt Sejshell.

Referuar hulimtimeve te exit.al, kompania mëmë ka një faqe online e cila është krijuar më 2 korrik 2018, pak më shumë se dy javë se kompania të regjistronte degën e saj në Shqipëri. Në faqe nuk ka asnjë informacion për personat drejtues të kompanisë dhe asnjë informacion për angazhimet e saj në të shkuarën.

Sikurse u shprehëm më sipër, kompania duket të jetë një kompani rafti, pa asnjë aktivitet, e cila shërben si kompani guackë për të të fshehur pronarët e vërtetë të saj.

Kompania tjetër e konsorciumit, Biba-X, është regjistruar në Kavajë në vitin 2002, me objekt prodhim të materialeve të ndërtimit, kryesisht prodhim dhe tregtim inertesh. Më 15 tetor 2018, ortaku i vetëm Barush Biba ka ndryshuar objektin e kompanisë duke shtuar objektin “ndërtim rrugësh, ndërtime civile, rikonstruksion godinash fasadash”.

Edhe në praktikë, aktiviteti kryesor i kompanisë ka qenë shfrytëzimi i inerteve në shtratin e lumit Shkumbin në Elbasan. Vetëm pas vitit 2014, kompania ka përfituar 3 kontrata publike për ndërtimin e rrugëve dytësore në Bashkinë Tiranë, Kavajë dhe Pogradec.

Nga viti 2013 deri më tetor të 2018 kompania ka qenë vazhdimisht nën sekuestrim për fatura të pashlyera ndaj kontraktorëve të ndryshëm, të cilët kanë marrë urdhëra gjyqësore kundër kompanisë deri në shlyerjen e detyrimeve. Biba-X ka qënë nën sekuestro edhe gjatë periudhës kur ka konkuruar në tenderin e rrugës së re, duke konkuruar kështu në shkelje të ligjit.

Megjithatë, bashkimi i dyshimtë i një kompanie guackë me pronarë të panjohur dhe një kompani të vogël pa përvojë dhe me prona të sekuestruara ka fituar një kontratë publike nga Bashkia Tiranë prej 18 milionë euro nga paratë publike.

Një gjë mund të hamendësohet në mënyrë të arsyeshme: dikush tjetër fshihet pas këtij bashkimi dhe do të jetë përfituesi i vërtetë i kontratës.