Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Donacionet e Grupit Balfin, 452 mijë euro në dobi të kauzave shoqërore në Shqipëri

Politiko 22 Tetor 2019, 14:35

Foto kryesore: Alb Chrome jep bursa për studentët nga Bulqiza

Grupi Balfin i kushton një vëmendje të veçantë përgjegjësisë sociale, për të qenë sa më pranë komuniteteve dhe njerëzve në nevojë dhe nën kujdesin e posaçëm të vetë presidentit të Grupit, z. Samir Mane, zbaton një strategji të koordinuar për të gjitha kompanitë e Balfin, jo vetëm në Shqipëri, por edhe në shtetet e tjera ku Grupi operon.

Vetëm gjatë vitit 2018, Balfin kontribuoi në Shqipëri në ndihmë të shoqërisë me një fond solidariteti prej mëse 452 mijë eurosh për kauza të ndryshme, duke ju gjendur pranë komuniteteve në nevojë.

Nga kjo vlerë, mbi 250 mijë euro kanë shkuar në favor të dhjetëra familjeve në varfëri ekstreme, duke nisur që nga ndërtimi ose rindërtimi i banesave të tyre, ofrimi i asistencës ushqimore dhe asaj financiare.

Foto: Kontribut per nje nga çerdhet ne Diber

Pjesa tjetër e konsiderueshme e fondit ka kaluar në dobi të arsimit, mirëqenies dhe mirë-rritjes së fëmijëve, mjedisit e kështu me radhë.

Nga ky fond, 70 mijë euro Grupi Balfin ja ka alokuar organizatës “Fund-Javë Ndryshe”, ndërkohë që pjesën tjetër të fondit Grupi e ka vënë në dobi të komuniteteve, përmes organizatash të shumta ndërkombëtare dhe lokale, si Vizion OJF, Down Syndrome Albania, Worldvision, UNDP, Partner Albania dhe të tjera.

Foto: Dhurata nga Spar per femijet jetime

Gjithashtu prej shumë vitesh, Balfin përkrah me fondin e tij edhe mjaft fëmijë me çrregullime të spektrit autik.

Grupi Balfin është një ndër të paktat biznese shqiptare, i cili e ka vënë në fokusin e tij zhvillimin e qëndrueshëm të komuniteteve ku operon, duke iu përmbajtur SGDs (Sustainable Development Goals), Objektivat e Zhvillimit të Qëndrueshëm të OKB-së, për të cilin Grupi ka hartuar një plan-veprimi të mirëfilltë duke ndjekur hapat e shumë kompanive ndërkombëtare.

Bazuar në këto objektiva, Balfin ka përqafuar 6 prej tyre, nëpërmjet të cilave e orienton vëmendjen ndaj problemeve të komunitetit në arsimim, në mirë-rritjen e fëmijëve, familjeve në nevojë dhe mjedis.

Kontributi dhe vlera e lëvruar për nevojat e komunitetit ka ardhur në rritje nga viti në vit, falë vëmendjes së shtuar të Z. Mane dhe do të vazhdojë të njohë rritje progresive, në mënyrë që edhe njerëzit me më pak mundësi të mos ndihen të papërkrahur.

Foto: Kontribut per femijet me aftesi ndryshe

Gjatë vitit 2018 Grupi Balfin ndërtoi dhe mobiloi tërësisht 3 shtëpi të reja për 3 familje në varfëri ekstreme, me një vlerë totale prej rreth 100 mijë eurosh si dhe vijoi me kontributin e përmuajshëm me ushqime për rreth 50 familje në nevojë të shpërndara në të gjithë vendin.

Falë kësaj tashmë familja Shira në Bulqizë dhe familjet Sorra e Shima në Kashar të Tiranës, raste mjaft të njohura për publikun, jetojnë në kushte shumë më të mira dhe dinjitoze.

Balfin është i vendosur që të promovojë vlerat më të larta shoqërore dhe të tregojë përkujdesje për komunitetin dhe ambientin. Grupi beson se rritja e një biznesi duhet të shoqërohet paralelisht me zhvillimin dhe rritjen ekonomike dhe sociale të komunitetit ku ai vepron. Shoqëritë e Grupit nuk kufizohen vetëm me sigurimin e vendeve të punës për komunitetet lokale, por përpiqen të krijojnë një ndikim pozitiv në jetën familjare.

*Advertorial