Dorëhiqet Valdrin Pjetri: Para ligjit si qytetar i thjeshtë, pa iu bërë barrë askujt

Kandidati i socialistëve Valdrin Pjetri dorëhiqet nga marrja e detyrës së kryebashkiakut të Shkodrës.

Pjetri sapo e ka bërë të ditur këtë lajm me anë të një postimi në facebook.

“I ndërgjegjshëm për rëndësinë e imazhit politik dhe i vendosur që këtë sqarim ligjor ta ndërmarr në pozitat e qytetarit të thjeshtë, pa iu bërë barrë askujt, vendos të dorëhiqem nga marrja e detyrës së Kryetarit të Bashkisë Shkodër”, shkruan Pjetri.

Ndër të tjera ai shkruan se kohët e fundit është gjendur në mes të një stuhie mediatike, ku, sipas tij, akuzat dhe thashethemet i zunë vendin fakteve dhe të vërtetës.