Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Drogë, kallashnikov dhe mbi 2 mijë fishekë në banesë, arrestohet i riu nga Vlora

Politiko 26 Gusht 2020, 14:31
Drogë, kallashnikov dhe mbi 2 mijë fishekë në banesë,

Një 26-vjeçar është arrestuar nga Policia e Vlorës pasi gjatë një kontrolli policor në banesë, iu gjetën drogë, armë zjarri dhe municion luftarak. Policia ka sekuestruar lëndën narkotike, 2395 fishekë dhe një armë zjarri kallashnikov në cilësinë e provës materiale.

Ndërkaq, personi i identifikuar si A. Dh., 26 vjeç, përballet me veprat penale“Armëmbajtja pa leje” dhe “Prodhimi dhe shitja e lëndëve narkotike”.

Njoftimi i plotë i Policisë:

Në vijim të kontrollit të territorit për parandalimin, evidentimin dhe goditjen e paligjshmërive, bazuar dhe në informacionet e siguruara në rrugë operative, shërbimet e Komisariatit të Policisë Vlorë, në bashkëpunim me specialistët e Seksionit të Hetimit të Narkotikëve pranë DVP Vlorë organizuan dhe finalizuan me sukses operacionin policor të koduar “Befasia”.

Si rezultat i këtij operacioni u arrestua në flagrancë, në banesën e tij shtetasi A. Dh., 26 vjeç, banues në Vlorë.

Shërbimet e Policisë, gjatë kontrollit të ushtruar në banesën e këtij shtetasi gjetën një armë zjarri kallashnikov, një sasi municioni luftarak prej 2395 fishekësh, si dhe një sasi lënde narkotike cannabis sativa, të cilat u sekuestruan në cilësinë e provës materiale.

Materialet i kaluan Prokurorisë Vlorë, për hetime të mëtejshme, për veprat penale “Armëmbajtja pa leje” dhe “Prodhimi dhe shitja e lëndëve narkotike”.

Të fundit