Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Duka: Strategji Kombëtare për bujqësinë, financimi përmes granteve ka rezultuar një dështim

Politiko 3 Janar 2019, 12:19

Duka: Strategji Kombëtare për bujqësinë, financimi

Viti i Ri me halle të vjetra për fermerët, kështu e cilëson kreu i Partisë Agrare Ambientaliste, Agron Duka, 2019-ën që sapo ka nisur.

Duka thotë se edhe këtë vit, fermerët janë pa treg, pa subvencione dhe pa orientim ndërsa thekson se PAA ka kërkuar dhe vijon të kërkojë ngritjen e një Strategjie Kombëtare për bujqësinë.

“Ndërrohen vitet, ndërrohen ministrat, por problemet e fermerëve mbeten. Edhe këtë vit janë pa treg, pa subvencione dhe pa orientim. Si Parti Agrare Ambientaliste e kemi kërkuar dhe vijojmë të kërkojmë ngritjen e një Strategjie Kombëtare për bujqësinë, me të cilën të hidhen themelet e një qasje afatgjatë që të afrojë këtë sektor jo vetëm me Rajonin, por edhe me BE-në. Treg në të cilin kërkojmë të integrohemi, por që do të jetë i pamëshirshëm ndaj produkteve tona të pa subvencionuara”, shkruan Duka në rrjetin social Facebook.

Kreu i PAA-së nënvizon se fermerët shqiptarë nuk mund të konkurrojnë kur atyre u jepet një mbështetje prej 45 euro në vit, ndërsa në Kosovë marrin rreth 460 euro dhe në Maqedoni 558 euro në vit.

“Skema aktuale e financimit të bujqësisë, përmes granteve ka rezultuar një dështim, pasi në vitin 2018 është realizuar vetëm 5% e planit. Konkretisht nga 2.6 miliardë lekë të akorduara për këtë qëllim, janë shpërndarë vetëm 164 milionë lekë”, shprehet Duka.

Më tej, ai bën të ditur katër pika për përmirësimin e skemave të mbështetjes për fermerët duke shtuar se “pa vullnetin politik nga ana e mazhorancës, pa një strategji afatgjatë dhe pa i dhënë orientimin e duhur kësaj fushe jetike për 460 mijë familje fermerësh, çdo Vit të Ri vijojmë të gjendemi përballë halleve të vjetra dhe të pazgjidhura të bujqësisë”.

Postimi i plotë i Agron Dukës

Viti i Ri me halle të vjetra për fermerët

Ndërrohen vitet, ndërrohen ministrat, por problemet e fermerëve mbeten. Edhe këtë vit janë pa treg, pa subvencione dhe pa orientim. Si Parti Agrare Ambientaliste e kemi kërkuar dhe vijojmë të kërkojmë ngritjen e një Strategjie Kombëtare për bujqësinë, me të cilën të hidhen themelet e një qasje afatgjatë që të afrojë këtë sektor jo vetëm me Rajonin, por edhe me BE-në. Treg në të cilin kërkojmë të integrohemi, por që do të jetë i pamëshirshëm ndaj produkteve tona të pa subvencionuara.

Në vitin 2019 skema mbështetëse e fermerëve shqiptarë nuk mund të jetë vetëm 20 milion euro, e cila, fatkeqësisht, përkon me shumën që sot jepet për 1 kilometër rrugë. Gjithashtu fermerët shqiptarë nuk mund të konkurrojnë kur atyre u jepet një mbështetje prej 45 euro në vit; ndërsa në Kosovë marrin rreth 460 euro dhe në Maqedoni prekin shumën prej 558 euro në vit.

Por jo vetëm kaq!

Skema aktuale e financimit të bujqësisë, përmes granteve ka rezultuar një dështim, pasi në vitin 2018 është realizuar vetëm 5% e planit. Konkretisht nga 2.6 miliardë lekë të akorduara për këtë qëllim, janë shpërndarë vetëm 164 milionë lekë.

Kjo sigurisht është diçka që ekspertët e PAA-së kishin paralajmëruar, pasi qartazi kriteret dhe qasja e zgjedhur për të mbështetur bujqësinë nuk mund të sillte rezultate pozitive.

Për përmirësimin e skemave të mbështetjes, të cilat duhet të synojnë përfshirjen e një numri gjithnjë e më të madh fermerësh, Partia Agrare Ambientaliste prej kohësh sugjeron që ato të bazohen mbi pagesa direkte dhe plotësuese, të llogaritura mbi:

Sipërfaqen e tokës së mbjellë;

Prodhimin e realizuar;

Prodhimin e shitur;

Numrin e krerëve të bagëtisë etj.;

Mirëpo, pa vullnetin politik nga ana e mazhorancës, pa një strategji afatgjatë dhe pa i dhënë orientimin e duhur kësaj fushe jetike për 460 mijë familje fermerësh, çdo Vit të Ri vijojmë të gjendemi përballë halleve të vjetra dhe të pazgjidhura të bujqësisë.