Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Duma me banorët e Tiranës: Qytetarët nuk përballojnë taksën e re të qeverisë për pronat

Politiko 28 Mars 2018, 17:22
Duma me banorët e Tiranës: Qytetarët nuk përballojnë

Deputetja e Partisë Demokratike, Grida Duma bisedoi me banorë të Tiranës për taksën e re të qeverisë për pronat. Banorët thanë se e kanë të pamundur të përballojnë taksën e re që nis nga data 1 Prill, kur fatura e dritave, ujit dhe çmimet janë rritur.

“Nuk e besoj se mund ta paguaj dot, ndaj nuk do ta pa​guaj hiç. Nuk paguaj dot as dritat do t’i heq fare dhe do rri me qiri”, u shpreh një kryefamiljar.

Një qytetar tjetër tha se çmimet janë rritur e bashkë me to edhe fatura e dritave dhe ujit. “Uji na u rrit këtë vit nga Janari dhe kjo e tatimit të shtëpisë…unë nuk e di si do e paguaj”, tha ai.

Një pensioniste u shpreh se familja e saj jeton vetëm me pensionet e të moshuarve sepse fëmijët janë të papunë, ndaj taksa e re u shton varfërinë. “Unë nuk e paguaj dot taksën. Jam burrë dhe grua në pension dhe djalin e kam të papunë”, u shpreh ajo.

Duke nisur nga data 1 Prill, të gjithë shqiptarët do paguajnë taksën e re të pronës e cila në kryeqytet varion nga 50 deri në 150 mijë lekë të vjetra në vit, që rëndon direkt në buxhetin e familjeve shqiptare. Përmes kësaj takse, qeveria do u marrë qytetarëve shqiptarë rreth 26 milionë euro në vit.

Të fundit