Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Dy çmime Nobel për vitin 2019, Ismail Kadare në listën e të nominuarve

Politiko 3 Tetor 2019, 14:49
Dy çmime Nobel për vitin 2019, Ismail Kadare në listën e

Një ditë para shpalljes të njoftimeve për çmimin e Paqes më 11 tetor në Oslo, Akademia Suedeze, e cila jep çmimin e letërsisë, do të zbulojë zgjedhjet e saj në Stokholm.

‘Këtë vit do të jepen dy çmime “Nobel” në letërsi, për të kompensuar çmimin e vitit 2018. Nobeli vitin e kaluar nuk u dha, për here të parë që nga viti 1949, për shkak se Akademia Suedeze, institucioni më i rëndësishëm që zgjedh fituesin u përfshi në një skandal të pahijshëm seksual’, shkruan  International Business Times.

Secili prej çmimeve do të shoqërohen me nga një medalje ari dhe nëntë milionë korona (830,000 euro, 908,000 dollarë).

‘Mund të ndodhë që "fituesi ose fituesit ta refuzojnë " sepse mendojnë se çmimi është dëmtuar’, paralajmëroi për të përditshmen suedeze ‘Svenska Dagbladet’, Madelaine Levy, kritike letrare.

Çdo vit, që nga hera e parë në 1901, qarqet letrare përballen me spekulime, më shumë si një pasqyrim i dëshirave të tyre sesa një pasqyrë e vërtetë e prirjeve të Akademisë.

Në listën e të nominuarve për këtë çmim është edhe shkrimtari shqiptar Ismail Kadare.

International Business Times liston të nominuarit për Nobel: shkrimtari polak Olga Tokarczuk, autori kenian Ngugi Wa Thiong'o, Ismail Kadareja i Shqipërisë, novelisti amerikan Joyce Carol Oates dhe Haruki Murakami i Japonisë.

Akademia po përpiqet që të shmangë polemikat këtë vit, dhe është duke parë për zgjedhje konservatore. Laureatët pritet të përfshijnë të paktën një grua.

Fituesi i çmimit Nobel në Letërsi për vitin 2017 ishte shkrimtari anglez Kazuo Ishiguro.

Të fundit