Flash News

Bëri një gjilpërë tek ambulance e lagjes, humb jetën e moshuara në Lushnjë

Pas Tiranës, KAS vendos edhe hapjen e kutive të votimit në Dibër

Saga e vrasjeve, Alibej: Nisi pasi dhashë vendndodhjen e Talo Çelës

Ndeshja Shqipëri-Serbi/ Tirana në “blindim total”: 2000 efektivë policie, kontrolle antidronë dhe kufizime të trafikut

Etel Haxhiaj sfidon policinë amerikane gjatë arrestimit të një emigranti, akuzohet për sulm

KRYESORE

“Dy gisht mjaltë” plagjiaturë, kjo është skena e kopjuar nga filmi francez

Politiko 17 Prill 2019, 12:44
“Dy gisht mjaltë” plagjiaturë, kjo është skena e

Filmi “Dy gishtë mjaltë” i Ermal Mamaqit dhe këngëtares Elvana Gjata, i cili ka dalë së fundmi në kinema, është pëlqyer shumë nga publiku. Madje biletat janë shitur në kohë rekord duke bërë që njerëzit të presin në rradhë gjatë gjithë javës për të parë filmin komedi.

Për ata që nuk e kanë parë ende, filmi flet për historinë e një çifti me të ardhura mesatare, të cilët njihen nga një mike e përbashkët, martohen dhe më pas ndahen për t’u ribashkuar sërish në fund.

Përgjatë historisë, ndeshen skena tipike shqiptare, siç janë takimet mes dhëndrit dhe prindërve të nuses dhe prindërit e dhëndrit me nusen.

Por një nga skenat e “Dy gisht mjaltë” ka shumë ngjashmëri me filmin francez “Taxi”, dhe kjo gjë vihet re pikërisht në pjesën e takimit të prindërve të Emës (Elvanës) me Ervinin (Ermalin).

Ervini vjen në shtëpinë e Emës me lule në dorë dhe takon prindërit e saj. Vëmendjen e merr më shumë babai i Emës, i cili ka qenë komandant dhe është vazhdimisht duke improvizuar skena nga puna e tij dhe duke nderuar gjatë gjithë kohës Forcat e Armatosura. Në momentin e ngrënies ai tregon histori me tone të larta zëri, diçka me të cilën Ema dhe mamaja e saj janë mësuar dhe Ervini që çuditet nga reagimi i vjerrit të ardhshëm.

https://youtu.be/s9gunaeSshQ

Pikërisht kjo skenë është një plagjiaturë, pasi është thuajse identike me skenën e filmit francez “Taxi”, ku personazhi kryesor shkon në shtëpinë e të dashurës së tij për t’u prezantuar me prindërit e saj. I ati i vajzës është një gjeneral, i cili vazhdon të ketë veshjen ushtarake të veshur dhe sjelljet tipike të një gjenerali. Ai fillon të tregojë histori nga e kaluara duke interpretuar me zë të lartë, ndërkohë që po drekojnë. Teksa ai tregon se si qëllonte me armë, djali shikon i habitur duke i marrë si të mirfillta reagimet e tij, njësoj siç bën edhe Ervini tek “Dy gisht mjaltë”.

Diçka tjetër e ngjashme është edhe fakti që gjenerali në filmin francez, kërkon që dhëndri të jetë një person me profesion të mirë, ndërkohë që djali është një taksist. Atij i duhet të gënjejë për këtë gjë dhe i thotë se është doktor, po ende nuk e ka marrë diplomën. E njëjta gjë ndodh edhe në filmin “Dy gisht mjaltë”, ku Ervini shprehet se është doktor por ende nuk e ka marrë diplomën.

Skenën nga “Dy gisht mjaltë” që është një kopje e marrë nga filmi francez “Taxi”, mund ta ndiqni në videon e mëposhte me titra shqip.

Kujtojmë se regjisorë të “Dy gisht mjaltë” janë Emir Khalilzadeh dhe Ermal Mamaqi.

https://youtu.be/au-iYd9J608

Të fundit