Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Dy operacione në tru gjatë xhirimeve të "Game of Thrones", Emilia Clarke flet për sëmundjen e saj

Politiko 25 Mars 2019, 20:53
Emilia Clarke, aktorja kryesore e "Game of Thrones" ka treguar në një intervistë për "New Yorker" se ka vuajtur nga dy aneurizma në tru, gjatë xhirimeve të këtij seriali.  Për herë të parë ajo u diagnostikua me aneurizëm në moshën 24-vjeçare, kur sapo ishin mbyllur xhirimet e sezonit të parë të "GOT". “Isha duke u ushtruar me trajnerin tim, kur ndjeva një shtrëngim në tru. U përpoqa ta injoroja dhimbjen dhe të vazhdoja, por nuk munda. I thashë trajnerit tim që duhet të pushoja. Gati duke u zvarritur shkova në dhomën e zhveshjes, me kokën ulur mbi gjunjë qava dhe u ndjeva shumë, shumë keq. Ndërkohë, dhimbja në kokë ishte sikur po më godisnin, sikur më gjuanin me thikë dhe vazhdonte të bëhej më keq. E dija çfarë po ndodhte, truri im ishte dëmtuar,"- ka thënë aktorja. Falë ndihmë së një gruaje, Emilia kishte arritur të shkojë në spital dhe pas vizitës iu komunikua se vuante nga një hemorragji subarankoide, që do të thotë se kishte gjakderdhje në tru. Në shumë raste, aneurizmat janë fatale, të cilat mund të shkaktojnë dhe vdekjen e dikujt ose japin dëme të pariparueshme në tru. Emilia pasi ka kryer operacionin e parë, ka pasur sërish probleme. Siç tregon ajo, kishte momente kur aktorja nuk mbante mend as emrin e saj: "Në momentet e mia më të këqija, kam dashur të ndërprej jetën. I kam kërkuar stafit mjekësor që të më lënë të vdes. Puna ime, e gjithë ëndrra ime e asaj se si dua të jetë jeta ime, është e përqendruar në gjuhë, në komunikim. Pa këto , jeta ime ishte e humbur. Mirëpo, pas një jave në spital, afasia ka kaluar dhe unë isha në gjendje të flas." Në vitin 2013 Emilia ka përjetuar edhe një sulm në tru, duke iu nënshtruar një operacioni tjetër, ku doktorët nuk kanë pasur mundësi tjetër përveçse të ndërhyjnë përmes kafkës. Tani aktorja ndihet mirë dhe nuk ka më probleme. Për këtë ajo ka themeluar një organizatë bamirësie për rehabilitimin e kësaj kategorie pacientësh.

Të fundit