Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

E akuzoi për shpifje, gazetari Cukali i përgjigjet zv/kryeministrit: Në mungesë të transparencës nga ana juaj, jemi të detyruar të funksionojmë me logjikë krahasuese

Politiko 12 Mars 2020, 14:49

E akuzoi për shpifje, gazetari Cukali i përgjigjet zv/kryeministrit:

Gazetari Koloreto Cukali i është përgjigjur zv.kryeministrit Erion Braçe, i cili e akuzoi për shpifje pas publikimit të shkrimit “Lideri nxjerr në rrugë mullinjtë e erës, për të luftuar virusin”, ku gazetari ndër të tjera theksoi se ‘viktima në Durrës nga Covid-19 infektoi të gjithë spitalin, prej papërgatitjes së personelit’.

Në një reagim për Politiko.al, Cukali i kërkon zv.kryeministrit Braçe të ruajë etikën në komunikim, me argumentin se pozicioni që aim ban nuk e lejon një gjuhë të tillë fyese ndaj gazetarëve.

Si kundërpëgjigje, Cukali kujton qëndrimin e qeverisë e cila ju kërkonte qytetarëve të mos krijonin panik mbi rrezikun nga koronavirusi, por më pas brenda dy ditësh masat kaluan në “të mbyllen të tëra”.

Gazetari thekson se një masë e tillë duhej vendosur që në momentin kur në Itali po shtoheshin dita ditës rastet.

Duke u ndalur te pika ku gazetari shkruan se ‘viktima në Durrës nga Covid-19 infektoi të gjithë spitalin, prej papërgatitjes së personelit’, gjë që ngjalli dhe reagimin e zv.kryeministrit, Cukali sqaron se konstatimi ka qenë për shkak të mungesës të deritanishme së transparencës nga ana e qeverisë, duke argumentuar se kjo bën që të vendoset në punë logjika krahasuese.

“Për këtë arsye ajo fjali nuk është shpifje, për sa kohë JU NUK KENI FAKTE për të provuar të kundërtën”, nënivzon Cukuali.

Reagimi i plotë për Politiko.al

Z.Braçe,

Së pari, unë nuk jam shoku juaj e as i njohuri juaj, as në rrjete sociale e as në jetën private ndaj, ju lutem mos më përgojoni në rrjete sociale duke më vënë epitete. Kjo, më së paku, tregon një nivel të ulët tuajin në komunikim. Si Erion ashtu mund të jeni edukuar; si deputet mbase ashtu jeni mësuar; por, si zv/Kryeministër i vendit, kjo gjuhë mënyrë komunikimi është vulgare dhe pozicioni që keni nuk jua lejon.

Së dyti, prisja që të ishit në zv/krye të situatës, duke u marrë me punë e jo duke rrethuar me laps gazetat.

Më vjen mirë që keni rrethuar vetëm një fjali, sepse në të vërtetë shqetësimi i ngritur në atë shkrim qendron 100%.

Mendimi im është që qeveria që ju e zv/kryesoni, e cila kaloi brenda 2 ditësh nga pozicioni: “mos përhapni panik”, në pozicionin: “të mbyllen të tëra”, ka bërë gabime të rënda në menaxhimin e situatës që nga dita kur u mor vesh që ne jemi në kufi të rrezikut me Italinë.

Sa për atë fjalinë që keni rrethuar, po ju informoj që kështu ka nisur dhe në Itali, nga një spital ku u shkelën protokollet, në Lodi. Potencialisht ashtu mund të ketë ndodhur dhe në Durrës.

Them potencialisht, sepse problemi qendron që qeveria që ju zv/kryesoni ka zakonin të fshehë informacionin dhe e ka transparencën zero. Në mungesë të transparencës nga ana juaj, ne jemi të detyruar të funksionojmë me logjikë krahasuese, dhe deduktimi logjik thotë se në një spital ku ishte një pacient i pazbuluar për ditë me rradhë, mund të jenë infektuar në zinxhir pacientë të tjerë, mjekë e infermiere.

Për këtë arsye ajo fjali nuk është shpifje, për sa kohë JU NUK KENI FAKTE për të provuar të kundërtën.

Dhe kur them FAKTE, nuk e kam fjalën për deklaratat për shtyp të Qeverisë apo të ISHP-së, që me shumë gjasa tregojnë atë që ju doni që të ketë ndodhur dhe jo atë që ka ndodhur.

Megjithatë, jam gati të kërkoj ndjesë publike për atë fjali VETËM kur ju të na prezantoni publikisht testet e GJITHË SPITALIT, me pacientë, infermierë e mjekë dhe të na tregoni që ata njerëz të vënë në rrezik atje, janë të painfektuar.

Deri atëherë, ju lutem, kthehuni në punë!

Kthehuni në punë!

Bëni punën tuaj, e mos u merrni me përgojime në rrjete sociale”.