Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

E cilësoi opozitën "shembull skandaloz me tubimet rrugëve", Bardhi i 'kthehet' Ramës: Vatra e COVID-19 janë spitalet e institucionet

Politiko 17 Qershor 2020, 16:55

E cilësoi opozitën "shembull skandaloz me tubimet

“Nuk i vë fajin as atyre që me politikën e tyre; hip se të vrava, zbrit se të vrava dhanë shembujt skandaloz me fjalët dhe tubimet rrugëve”, kështu u shpreh kryeministri Rama në adresë të opozitës gjatë një reagimi të tij ditën e djeshme pas shifrave rekord të të infektuarve në vend.

Për tju përgjigjur kësaj deklarate të kryeministrit, ish-deputeti Bardh Spahia është shprehur se spitalet dhe institucionet shtetërore janë kthyer në vatra kryesore infeksioni për shpërhapjen e COVID-19, jo protestat apo grumbullimet qytetare. Sipas Spahisë, mungesa e thellë të përgjegjshmërisë dhe mjeteve minimale mbrojtëse në përballimin e situatës i ka kthyer këto institucione në rrezik kryesor.

“Ka mungesë të thellë përgjegjshmërie në përballimin e situatës, mungojnë pajisjet dhe mjetet mbrojtëse minimale, bazike. I gjithë sistemi shëndetësor gjendet i zbuluar sa i përket mjeteve mbrojtëse. Nuk duhet të shohim vetëm infektivin por shoferët e ambulancave i ke krejtësisht të pambrojtur. QSUT është vetë problemi më i madh, ka infektime në disa reparte tek sëmundjet interne, Francezi etj.

COVID 19 po përhapet frikshëm edhe te institucionet shtetërore. Janë prekur disa punonjës në kryeministri, pavarësisht se u tentua të izolohej, të fshihej lajmi. Procesi i gjurmimit të rasteve ka dështuar me kohë. Nga Rezultoi se s’ka asnjë të prekur nga protestat deri më tani. Pra s’ka fakte që ndonjë prej pjesëmarrësve në protesta të jetë infektuar. Vatrat janë institucionet shtetërore dhe shëndetësore. Aty duhet të fokusohet shëndetësia, aty të marrë masa, të mbrojë personelin në radhë të parë. Historiku i gjurmimit të rasteve me COVID 19 nuk na çon te protesta, por të spitalet e institucionet e shtetit. Ato janë vatra më e rrezikshme”.

Spahia ia ka lënë qeverisë dhe institucioneve shtetërore përgjegjesinë përgjegjësinë kryesore për shifrat rekord të të infektuarve. Sipas ish-deputetit këto institucione kanë treguar një mungesë strategjie të mirëfilltë dhe mungesë të theksuar transparence gjatë kohës së pandemisë.

“Një gjë është fakt, mungesa e plotë e një strategje të mirëfilltë apo e masave të ndërmarra. Ka mungesë të theksuar transparence. Situata nuk është aspak reale, sic vërtetohet cdo ditë nga përhapja e virusit në popullatën shqiptare. Dje nga 369 testime pati 82 raste pozitive sot 330 testime dhe kemi më pak të prekur, pra 50. Kjo tregon se nëse testohen më shumë persona, dalin më shumë të infektuar”,- tha Spahia.

Sipas ish-deputetit në situatën në të cilën ndodhemi, duhet të rriten kapacitetet për kryerjen e testimeve, duke përfshirë këtu edhe institucionet private.

“Unë mendoj që për shtresa të caktuara të shoqërisë sonë që kanë rrezik të lartë të preken të bëhen testime. Po ashtu duhet të testohen edhe personat asimptomatikë. OBSH ka folur njëherë për mos testimin e tyre, por ne duhet të marrim në konsideratë të kryejmë sa më shumë testime. Të rriten kapacitetet e testimit, të impenjohen edhe institucione të tjera, pse jo edhe institucionet private.

Të garantohet numri maksimal i testimeve. Një tjetër akspekt i rëndësishëm do të ishte edhe kryerja e testeve serologjike. Kështu do kishim mundësi të mos penalizionim shtresa të caktuara apo individë të caktuar, t’i linim të lirë njerëzit imunë, t’i angazhonim në profesionet e tyre pa patur frikën se do prekeshin apo transmetonin virusin”.