Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

E dënuar me 5 vite burg, ish-kryeministrja tajlandeze pajiset me pasaportë serbe

Politiko 8 Gusht 2019, 22:53
E dënuar me 5 vite burg, ish-kryeministrja tajlandeze pajiset me

Ish-kryeministrja e Tajlandës, Yingluck Shinawatra, e cila në vendin e saj është e dënuar me pesë vjet burgim, por gjendet ne arrati prej kohësh, ka fituar shtetësi serbe. Vendimi për pranimin e shtetësisë është nënshkruar nga kryeministrja e Serbisë, Ana Bërnabiç, më 27 qershor dhe është publikuar në Fletoren Zyrtare më 28 qershor.

Ish-kryeministrja tailandeze ka pranuar shtetësinë serbe "sipas nenit 19 (1) dhe (3) të Ligjit për Shtetësi”. Ky nen parashikon, ndër të tjera edhe dhënien e shtetësisë në rastet kur është "me interes për Republikën e Serbisë". Megjithatë, nuk është specifikuar se çfarë interesi ka pasur Qeveria e Serbisë për një veprim të tillë.

Një gjykatë në Tajlandë e ka dënuar në mungesë Shinawatran me pesë vjet burgim, bazuar në akuzën për neglizhencë në drejtimin e një programi për subvencione të orizit. Ajo ka drejtuar Tajlandën në periudhën 2011-2014.

Vëllai i ish-kryeministres tajlandeze, Thaksin Shinawatra po ashtu ka qenë në krye të një mandati qeveritar, që është rrëzuar nga ushtria, dhe tani jeton në mërgim për të shmangur vuajtjen e dënimit me burgim për korrupsion.

Pavarësisht dënimit në vendin e tij, më 2009 Shinawatra ka marrë pasaportë si qytetar nderi i Malit të Zi. Ai ka qenë kryeministër i Tajlandës nga viti 2001 deri më 2006.

Të fundit