Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

E krahasojnë me varësine nga droga, ka disa alternativa për të konsumuar më pak sheqer

Politiko 31 Janar 2020, 17:49
E krahasojnë me varësine nga droga, ka disa alternativa për

Varësia nga sheqeri është e rrezikshme, thonë mjekët, të cilët rendisin një sërë shkaqesh pse është i dëmshëm për organizmin tonë.

Mbikonsumimi i sheqerit mund të shkakojë sëmundjet kronike, sëmundje të zemrës, kanceri, diabeti, impotenca etj. Për të shmangur sa më shumë nga këto probleme, po ju paraqesim 9 këshilla shkencore se si të hiqni dorë:

1) Merrni vendimin për t’u detoksikuar

Ju mund të keni shumë informacion rreth dëmeve që shkakton një produkt apo një tjetër dhe mund të silleni sikur keni marrë masa, ama asgjë nuk ndryshon nëse nuk merrni një vendim drastik. Duhet ta dëshironi vërtet ndryshimin në jetën tuaj, të jeni të bindur në mënyrë që veprimi të japë rezultatet e duhura. Kjo padyshim do të sjellë përmirësim të shëndetit tuaj mendor e fizik.

2) Hiqni dorë plotësisht, jo “me raste”

Ashtu si me çdo lloj tjetër varësie, e vetmja mënyrë për të shpëtuar është që të ndaloni konsumin tërësisht. Jo të ulni dozat herë pas here, por duhet që sheqeri të mos jetë më pjesë e dietës suaj. Ideja është që të rigjenerohen hormonet e trupit duke shpëtuar nga ajo që i kontrollon ato.

3) Ndaloni konsumin e pijeve me sheqer

Një nga armiqtë më të mëdhenj që na çon drejt varësisë ndaj sheqerit janë pijet. Sheqeri i lëngshëm është më i dëmshëm se ai i ngurtë. Për këtë duhet menjëherë të hiqni dorë nga pijet e gazuara, pijet energjike, konsumimi i tepërt i lëngjeve të frutave, çajeve të ëmbël etj.

4) Niseni ditën duke konsumuar proteina

Hani proteina në çdo vakt, mbi të gjitha mos rrini pa ngrënë mëngjesin! Kjo është mënyra e duhur për balancimin e sheqerit në gjak dhe për rregullimin e nivelit të insulinës. Niseni ditën me vezë të freskëta, konsumoni arra, brokoli, peshk dhe mish pule.

5) Luftojeni sheqerin me yndyra (të mira)

Armiku juaj i vërtetë nuk është yndyra, por sheqeri. Në kundërshtim me atë që keni mësuar, nuk janë yndyrat që ju shëndoshin, por sheqeri. Kombinimi i yndyrave të duhura me proteinat në çdo vakt do të forcojë metabolizmin tuaj. Ç’duhet të konsumoni për këtë? Vaj ulliri ekstra i virgjër, vaj kokosi, gjalpë kokosi, arra dhe fara, mish peshku të pasur me Omega 3.

Burimi: revista living

Të fundit