Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“E ndjej deri në palcë”, Rama: Jemi në hall, por armiku nuk na i mbushi spitalet

Politiko 13 Prill 2020, 19:53

“E ndjej deri në palcë”, Rama: Jemi në hall, por

Kryeministri Edi Rama mbajti një fjalim të gjatë emotive para se të prezantonte paketën e dytë financiare për mbështetjen e personave të prekur nga mbyllja e aktivitetit të bizneseve për shkak të koronavirusit. Rama u shpreh se “jemi në hall” lidhur me ata që thonë se duhet të lehtësohen masat shtrënguese. Ndërkohë, Rama tha se tani jemi në situatën më delikate të pandemisë, ndaj kërkoi që të bëhet durim. Rama nuk harroi të shprehet gjithashtu se Shqipëria ia ka dalë deri më tani për të përballuar situatën nga koronavirusi.

“Të gjithë jemi në hall, çdo familje, çdo ndërmarrje, qeveria. Luftërat nuk vijnë për të na i zgjidhur hallet, por për të na i shtuar. Në këtë luftë të hatashme askush nuk e ka një zgjidhje, askush nuk e di me siguri ku është fundi, as në vendet më të fuqishme e më të ditura. Ne shqiptarët që kemi një vend të vogël dhe jo me pak halle, e me këtë luftë, nuk duhet të harrojmë për asnjë çast gjënë më të qartë të kësaj lufte, sot halli i hallit që na bashkon të gjithëve është mbrojtja e jetës dhe mbrojtja e Shqipërisë nga një katastrofë.

Deri këtu armiku i padukshëm ka bërë kërdi lart e poshtë në botë. Sot jam shumë në merak, sepse e lexoj, e dëgjoj, e ndjej, që shumë nga ju po kujtojnë gabimisht se ja hodhën. Hapi rrugët, punët, se po vdesim, po plasim, po thonë disa. Ca të tjerë lëshojnë edhe sharje pa fund. E vërteta është se në fakt ne kemi hyrë në një fazë, që është shumë delikate, ku rreziku jemi më shumë ne vetë tani, se armiku që po luftojmë. Ne sot jemi në rrezik potencial. Armiku nuk na i mbushi spitalet me të plagosur, por shumë prej nesh nga humbja e durimit mund të bëhemi pa dashje aleat i tij. Unë e vuaj ditë e natë dhimbjen tuaj, të familjeve, të prindërve, të atyre që kanë mbetur matanë kufijve dhe që nuk kthehen.

E ndjej deri në palcë dhimbjen e gjithkujtë prej jush, që nuk ja del dot të qetësohet, ndërkohë që dita bëhet gjithnjë e më e gjatë. Por, unë di dhe tjetrën, që detyra ime në këtë kohë është të mbyll veshët dhe të mos dëgjoj sirenat joshëse, që më thonë hajde dalim pa u trembur, të sfidojmë armikun. E provuan disa të tjerë, shumë më të fuqishëm se ne që ranë pre e atyre sirenave, dhe sot janë zhytur në një numër vdekjesh dhe s’po nxjerrin dot kokën. Ne nuk numërojmë dhjetëra të vdekur në ditë, por shohim përditë kurbën që mbahet nën kontroll”, tha Rama.