Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

E përndoqi për 8 muaj dhe i rrahu të dashurin, fansi i Luana Vjollcës del para kohe nga burgu

Politiko 13 Prill 2018, 21:22

Historia e Besim Lilës, i cili ishte i fiksuar aq shumë pas bukuroshes Luana Vjollca saqë u nda nga gruaja dhe e përndoqi për 8 muaj pushtoi mediat rozë rreth një vit më parë.

Gjithçka nisi kur 32 vjeçari po ndiqte Luanën, e cila sapo kishte dalë nga vendi i punës dhe po ikte për në shtëpi. Kur pa që një makinë e ndiqte nga pas ajo ka telefonuar të dashurin e saj, biznesmenin e njohur Krenar Çoçaj, i cili u përlesh fizikisht me fansin “e çmendur” të Luanës.

Fansi u arrestua dhe në atë kohë u dënua me 9 muaj burg për përndjekje. Mirëpo Besmir Lila ka përfituar nga gjykimi i shkurtuar, duke vuajtur vetëm 6 muaj burgim.

Lila është liruar në tetor të vitit të kaluar dhe për disa kohë ai ka qëndruar jashtë shtetit, ndërsa në shkurt të këtij viti është rikthyer në Shqipëri.

Me sa duket 33-vjeçari ka vendosur ta harrojë fiksimin e vjetër dhe të vazhdojë jetën i qetë.

Kujtojmë se para marrjes së vendimin nga Gjykata e Tiranës, pala mbrojtëse e Lilës pretendonte se klienti i tyre nuk kishte përndjekur prezantuesen.

“Prokuroria ka printuar 60 faqe me SMS-të e dërguara drejt prezantueses, por në asnjërin prej tyre nuk ka asnjë fjalë fyese apo kërcënuese. Në secilin prej tyre shprehet simpati dhe dashuri. ‘Të dua’, ‘Të dashuroj’, ‘Gjithë jetën të pres’ nuk janë përndjekje. Mesazhi ‘të puth në buzë’ nuk është kërcënim”, thanë avokatët.

Ndërsa përfaqësuesi i prokurorisë në sallën e gjyqit tha se Lila ka përndjekur prej disa muajsh prezantuesen Vjollca. Sipas prokurorit të çështjes, ky veprim ishte realizuar në forma të ndryshme, duke i dërguar SMS në telefonin dhe në rrjetet sociale, si edhe i ka shkuar te vendi i saj i punës, apo pranë banesës.

“Në një rast ai i ka shkruar SMS ‘jam poshtë shtëpisë tënde, po ngjitem lart'”, lexoi prokurori para marrjes së vendimit.

Të fundit