Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

KRYESORE

E refuzoi kur ishte president, reagon Nishani pas emërimit ‘prokuror’ të burrit të Felajt: KLP me logjikë skandaloze

Politiko 16 Prill 2019, 13:21

E refuzoi kur ishte president, reagon Nishani pas emërimit

All - Paragraf - 1

Reagon Bujar Nishani, ish-president i Republikës, një ditë pas vendimit të Këshillit të Lartë të Prokurorisë, për emërimin prokuror të Bledar Valikajt, njëherësh bashkëshort i deputetes së PS, Ermonela Felaj.

All - Paragraf - 3

Nishani e cilëson skandaloz vendimin e KLP, ndërsa rithekson edhe një herë se emërimi i një personi jo magjistrat si prokuror apo gjyqtar është një shkelje flagrante dhe e shkruar në Kushtetutën shqiptare.

“Këshilli i Lartë i Prokurorisë ka emëruar prokuror duke i dhënë edhe titullin magjistrat z. Bledar Valikaj.

Për shkak se gjatë kohës që isha President i Republikës e refuzova dekretimin e atij emërimin dhe sot qëndrimi im si Kryetar i Shetit referohet në këtë çështje duhet të denoncoi standardin skandaloz ku kanë degraduar institucionet drejtuese të sistemit të drejtësisë.

Së pari, interpretimi i faktit se z. Valikaj është bashkëshorti i një deputeteje dhe politikaneje të së majtës është i gabuar dhe i padrejtë.

Secili prej bashkëshortëve ka bërë zgjedhjen e vet në çështjen e angazhimeve profesionale.

Gjykimi është vetëm mbi sjelljen institucionale e ligjore për secilin në fushën e tij.

Emërimi i një personi jo magjistrat si prokuror apo gjyqtar është një shkelje dhe mospërfillje flagrante dhe arrogante e asaj që është e shkruar e zezë mbi të bardhë në Kushtetutën tonë, ndryshimit të së cilës me konsensus 100% ju bë një jehonë historike dhe e përbotshme.

Interpretimi se kërkesa e tij është refuzuar gjatë kohës kur ndryshimet kushtetuese nuk ishin miratuar është një spekulim aspak fín.

Në atë periudhë të qënit magjistrat nuk ishte kategorik por edhe e drejta për të emëruar një jo-magjistrat ishte e përcaktuar mbi një përqindje strikte në numërin total të prokurorëve e gjyqtarëve çka ishte tejkaluar duke pamundësuar kështu emërimin.

Skandali i influencës antiligjore vijoj në Gjykatën Administrative.

Gjykata urdhëronte Presidentin e Republikës të bënte DEKRET !!!!

Qesharake përtej imagjinatës.

Megjithë pikëpamjen time ndryshe por mund ta pranojë që gjykata të gjykojë administrativisht përmbajtjen e një Dekreti ( pra kur ai është lëshuar nga Kreu i Shtetit) dhe jo të urdhërojë bërjen e Dekretit.

DEKRETI është tagër kushtetues i Kryetarit të Shtetit.

Përmbajtja e tij mund të gjykohet e rrëzohet nga një gjykatë dhe ajo është Gjykata Kushtetuese. Veç përmbajtja e tij !

Po nëse një trup gjykuese jep një Vendim me Vdekje sot, kur ai lloj dënimi është hequr në Shqipëri, çfar do të bëj Prokuroria, do ta ekzekutojë ?????

Së dyti, nëse pranojmë logjikën skandaloze të Këshillit të Lartë të Prokurorisë, opinioni duhet të dijë se “fakti” i atij vendimi të Gjykatës Administrative është lëshimi i Dekretit prej Kryetarit të Shtetit, pra i atribohej Institucionit të Presidentit të Republikës dhe jo KLP, e cila nuk ekzistonte në atë periudhë.

Sot KLP ka marrë përsipër ushtrimin e tagrit të një pushteti tjetër, të adresuar në një kohë kur vetë KLP as nuk ekzistonte si entitet.

Skandalet në fakt, nuk kanë logjikë.

Skandalet e njëpasnjëshme në institucionet e kontrollit dhe drejtimit të drejtësisë tregojnë se, për fat të keq, sot drejtësia ka degraduar akoma më shumë.

Pasojat i kanë shqiptarët.

Jo kolektivisht.

Individualisht, dikush me parë e dikush më pas”, shkruan Nishani.

Statusi i magjistratit ndaj Valikajt u vendos në mbledhjen e 25 marsit nga KLP, nisur edhe nga vendimi i Gjykatës Administrative të Apelit.

Kujtojmë se në 2015, Valikaj u refuzua të dekretohej në heshtje nga ish-presidenti Bujar Nishani nga oficer të Policisë Gjyqësore në Prokuror.

Valikaj e paditi më pas Bujar Nishanin, në 2016-ën, aso kohe President i Shqipërisë, sepse sipas tij kishte rrëzuar në heshtje propozimin e Prokurorit të Përgjithshëm për emërimin e tij si prokuror i Prokurorisë së Rrethit Gjyqësor Kukës.

Disa muaj më parë, Gjykata Administrative e Apelit në Tiranë, ka dhënë vendimin lidhur me padinë e bashkëshortit të deputetes socialiste Felaj, Bledar Valikaj, të ngritur ndaj ish-Presidentit të Shqipërisë lidhur me rrëzimin e kandidaturës së paditësit për pozicionin prokuror.