“Kreu i PD-së, Sali Berisha…”, Basha ankohet sërish për median (Përgjigjja e vjetër e KQZ)

Pas një ‘pause’ të gjatë, Lulzim Basha është kthyer me “oreks” të madh për të fituar autoriteti që e ka humbur prej kohësh.

Njëjtë si grupimi i tij, ai është ankuar sërish për mediat të cilat njohin Sali Berishën si kryetar të Partisë  Demokratike.

Me anë të një postimi në Facebook, grupimi i Bashës shkruan se “Përdorimi dhe keqpërdorimi i emrit të PD-së, të kryetarit dhe të institucioneve të saj nga grupime ose individë të tjerë me qëllim për të krijuar konfuzion dhe për të çorientuar demokratët, elektoratin opozitar dhe qytetarët, si dhe pasqyrimi i këtij informacioni të rremë nga ana e mediave audiovizive dhe atyre elektronike, cënojnë rëndë imazhin e Partisë Demokratike si dhe dëmtojnë interesat e saj. Partia Demokratike është aset kombëtar, ndaj keqpërdorimi i emrit të saj dëmton gjithë shoqërinë shqiptare”.

Duke qenë se e ka të pamundur të përballet me autoritetin dhe peshën që Berisha ka në popull, Basha ka gjetur një degë ku të kapet, “sulmi ndaj mediave”.

Megjithatë, kujtojmë se AMA nuk ka bazë ligjore dhe as tagrin për të monitoruar si etiketohen njerëzit nëpër studio apo dhe nëpër lajme.

Njoftimi i Grupimit të Bashës

“Me anë të këtij njoftimi, Partia Demokratike ju bën me dije se njoftimet zyrtare të Partisë Demokratike vijnë vetëm nga Zyra e Shtypit e Partisë Demokratike, dhe  konkretisht nga z. Patrik Sadikaj dhe Zëdhënësja znj. Mirela Karabina.

Çdo njoftim nga subjekte, grupime apo individë të tjerë, nuk përfaqëson PD dhe nuk mund të referohet në media si Partia Demokratike.

Partia Demokratike e Shqipërisë është subjekt politik që ushtron aktivitetin e saj të ligjshëm në zbatim të Kushtetutës së Republikës së Shqipërisë dhe të ligjit Nr. 8580, datë 17.2.2000 “PËR PARTITË POLITIKE” dhe e regjistruar në Regjistrin e Partive Politike me kryetar të saj z. Lulzim Basha.

Përdorimi dhe keqpërdorimi i emrit të PD-së, të kryetarit dhe të institucioneve të saj nga grupime ose individë të tjerë me qëllim për të krijuar konfuzion dhe për të çorientuar demokratët, elektoratin opozitar dhe qytetarët, si dhe pasqyrimi i këtij informacioni të rremë nga ana e mediave audiovizive dhe atyre elektronike, cënojnë rëndë imazhin e Partisë Demokratike si dhe dëmtojnë interesat e saj. Partia Demokratike është aset kombëtar, ndaj keqpërdorimi i emrit të saj dëmton gjithë shoqërinë shqiptare.

Partia Demokratike do të marrë të gjitha hapat ligjorë për të mbrotjur dhe për mos të lejuar që asnjë operator audioviziv dhe elektronik të dëmtojë identitetin e saj politik.”"

 

18 PRILL 2023/ Alibeaj i qahet AMA-s: Gazetarët njohin Berishën kryetar të PD, jo mua

Kryetari i komanduar i grupimit të Bashës, Enkelejd Alibeaj përmes një shkrese zyrtare, i është ankuar KQZ-së dhe AMA-së me argumentin se Sali Berisha po përdor logon e Partisë Demokratike në zgjedhjet e 14 Majit dhe i kërkon të ndërhyjë në mediat që e cilësojnë atë kryetar të Partisë Demokratike.

“Konstatojmë se disa media audiovizive me frekuencë kombëtare në raportimet e tyre lidhur me zhvillimet në PD i referohen deputetit të Kuvendit të Shqipërisë z. Sali Berisha si ‘Kryetar i Partisë Demokratike’ ‘Partia Demokratike Grupi i Rithemelimit’ , ‘Fraksioni i Rithemelimit në PD’.

Në shkelje të ligjit nr. 97/2013 ‘Për mediat audiovizive’ disa media vazhdojnë t’i referohen z. Berisha si kryetar të PD dhe të përdorin në emisione informuese qëndrime që nuk përkojnë me realitetin ligjor dhe zgjedhor. Kjo sjellje përbën keqinformim dhe konfuzion të qytetarëve si i përket lidershipit zyrtar të PD”, thuhet në kërkesë. Në këto kushte kërkoj nën cilësinë e kreut të komanduar të PD fillimin e një hetimi administrativ dhe marrjen e masave për garantimin e informimit objektiv dhe të vërtetë të qytetarëve”, thuhet ndër të tjera në kërkesën e Alibeajt. 

Por normalisht bazuar në ligjin e vendit tonë, kjo ‘dëshirë”e Alibeajt u rrëzua nga kryekomisioneri Celibashi.

06 MAJ 2023/ Celibashi rrëzon Alibeajn

Komisioni Qendror i Zgjedhjeve rrëzoi kërkesën e Enkelejd Aliabejat i cili kërkoi që KQZ dhe Autoritetin e Mediave Audiovizive të ndalojnë mediat që të njohin si kryetar të Partisë Demokratike, Sali Berishën.

Në mbledhjen Celibashi dekkaroi se AMA dhe KQZ nuk kanë tager të ndërhyjnë në politikën editorial të mediave.

Kështu e njëjta situatë po përsëritet, po kësaj herë për të marrë vëmendje,pasi autoriteti dhe pesha e grupimit të Bashës së bashku me të, është venitur prej kohësh.