Flash News

Kandidati i PS para në këmbim të votave? Policia procedon personin që e denoncoi me video

Prokuroria kërkon tre burgime të përjetshëm për Dan Hutrën

Dy ditë para zgjedhjeve, qeveria fal të gjitha gjobat e vendosura nga Janari 2015 deri në Nëntor 2024

“Giro d’Italia 2025” nesër në Vlorë/ Policia shpall masat e qarkullimit dhe parkimit për qytetarët

Gjendet pas 6 ditësh trupi i pajetë i 29-vjeçarit në Klos

E SHPJEGUAR

Nepotizmi, korrupsioni dhe tenderat/ Si ndryshoi qëndrim Veliaj për drejtorët e arrestuar të bashkisë?

Politiko 9 Prill 2024, 09:20

Nepotizmi, korrupsioni dhe tenderat/ Si ndryshoi qëndrim Veliaj për

Skandali me dosjen “5D” detyroi kryebashkiakun e Tiranës, Erion Veliaj, të dalë publikisht për t’u shfajësuar nga korrupsioni dhe abuzimet me të drejtorëve të bashkisë së tij.

Veliaj fillimisht, u distancua nga arrestimet duke luajti rolin e ‘viktimës’ me argumentin se nuk dinte për aferat që thurte shtabi i tij elektoral i vitit 2023, dhe duke i lëshuar të vetëm para drejtësisë.

“Cilido individ që është përfshirë në këto çështje, duhet të përballet vetë me drejtësinë, i zhveshur nga çdo lloj mbrojtjeje tjetër, përveç mbrojtjes ligjore nga avokatët e vet”, deklaroi Veliaj.

Por, vala e arrestimeve në Bashkinë e Tiranës, e detyroi Veliajn të ndryshojë qëndrim edhe për akuzat për nepotizëm nga anëtari i Kryesisë së PD-së dhe asokohe ish-kandidat për kryebashkiak në Tiranë, Belind Këlliçi, kur në prill të vitit 2023 zbuloi fakte se Mariglen Qato kishte punësuar familjarë në bashki.

Asokohe Veliaj, nga studio e “Opinion”, e quajti një gënjeshtër të madhe akuzën e Këlliçit, por nuk nguroi të distancohej në çdo rast duke thënë se “si mban askujt pishtarin”.

“Jam informuar për rastin dhe ka vajtur një akuzë në prokurori për shpifje. Për këto raste. Unë i çoj të gjithë në prokurori. Dhe për sa kohë të gjitha procedurat kush punon ku, kush është ndarë me kë, kush është vjehrri i kujt, unë pishtar nuk i mbaj njeriu, por për sa kohë njerëzit e bashkisë i çojnë të gjitha shpifjet në prokurori do të pres gjykatën”, tha Veliaj asokohe.

Dje, i ftuar në “Top Story” teksa foli për arrestimet në Bashkinë e Tiranës, Veliaj ndërroi refren. I pyetur nga Robert Rakipllari se çfarë kishte bërë si kryebashkiak për akuzat e ngritura ndaj drejtorëve të tij, Veliaj tha se i takon gjykatave të vërtetojë akuzat.

Rakipllari: Në datën 27 Prill 2024, Zoti Këlliçi ka bërë një kallëzim penal në prokurori dhe i ka bërë publike këto fakte dhe prokuroria i ka certifikuar një pjesë prej tyre. Nga ky moment, juve si kryetar bashkie çfarë masash administrative keni marrë? Keni njësi auditimi, i keni verifikuar këto tendera dhe pse s’i keni çuar në prokurori?

Veliaj: I kemi çuar. Bashkëpunim rekord me prokurorinë. Më rezulton që jemi institucioni rekord që kthen përgjigje dhe jo një përgjigje gjysmake dhe me hile po përgjigje të plota, madje më shumë seç duhet. Zelli për bashkëpunim është diçka që s’duhet vënë fare fare në dyshim. Mbulesa politike totalisht e munguar është diçka që s’duhet vënë fare në dyshim. Dhe prandaj është gjykata që i vërteton këto. Nëse shikon sot ka pafundi akuzash nga opozita, por nëse shikon deri më sot shumica janë rrëzuar ose janë mbyllur si çështje sepse kanë qenë të pavërteta. Kështu që këtë e vendos gjykata. Nëse kjo është e vërtetë do të marrin dënimin e merituar, nëse është e pavërtetë dhe e paprovuar do të rehabilitohen.

Të fundit