E SHPJEGUAR

Nga Tirana, Durrësi e Gjirokastra, kush janë delegatët që kanë firmosur pro Kuvendit të Berishës

Nga Tirana, Durrësi e Gjirokastra, kush janë delegatët që

Kur kanë mbetur edhe 9 ditë nga mbledhja e Kuvendit të datës 11 dhjetor, degët e PD në Tiranë dhe në rrethe vijojnë të publikojnë emrat e delegatëve që mbështesin thirrjen e ish-kryeministrit Sali Berisha.

Ishte deputeti demokrat Agron Shehaj ai i cili nisi fillimisht verifikimin e firmave pranë zyrës së kreut të Këshillit Kombëtar të PD-së, Edi Paloka.

Shehaj i shoqëruar edhe nga drejtues të PD-së verifikuan firmat e delegatëve të njësive numër 5 dhe 7 në Tiranë, duke telefonuar delegatët për të konfirmuar faktin se ata e kanë firmosur me dëshirë formularin për thirrjen e Kuvendit në datën 11 dhjetor.

Vetë Sali Berisha ka deklaruar se ka arritur që të mbledhë mbi 4200 firma të nevojshme për të thirrur Kuvendin Kombëtarë  për të rimarrë Partinë Demokratike dhe për të bërë ndryshime në statut.

Por sa delegatë janë deklaruar publikisht pro Berishës:

Dega 1 e PD në Tiranë 73 delegatë ose 83% e kësaj dege i janë bashkuar Berishës

Dega 3 e Partisë Demokratike ka konfirmuar pjesëmarrjen në Kuvendin Kombëtar të PD-së në 11 dhjetor, të thirrur nga Sali Berisha. Nga sa bëhet e ditur, në mbledhje kanë votuar 20 nga 29 anëtar.

Dega 4 e PD në Tirane kane firmosur 97 delegatë nga 111 gjithsej.

Dega 6 e PD në Tiranë, kanë firmosur 58 nga 65 prej demokratëve

Dega 7 njoftoi se nga 86 delegatë kanë firmosur 46 për t'ju bashkuar Sali Berishës.

Në degën numër 9 të PD në Tiranë nga  91 delegatë kanë firmosur 71 delegatë.

 Në degën 11 ka 117 delegatë me të drejtë vote/ 88 kanë firmosur pro thirrjes së Kuvendit në datën 11 Dhjetor

 Në degën e PD në Paskuqan janë 66 delegatë ose 85% e kanë firmosur për marrjen pjesë e 11 dhjetorit. 

Dega e PD në Elbasan publikon emrat pro Berishës: 272 delegatë nga 409 në Kuvendin e 11 dhjetorit!

Dega e PD në Gjirokastër 100 nga 151 delegatë ose rreth 67% e tyre kanë firmosur pro 11 dhjetorit

Dega e PD në Durrës kanë firmosur 207 delegatë nga 275 gjithsej.

Prej javësh përfaqësuesit e degëve të Partisë Demokratike që i janë bashkuar foltores së Sali Berishës firmat e tyre qëndrojnë në zyrën e  Kreut të Këshillit Kombëtar Edi Palokës.

Kuvendi i 11 dhjetorit do të ketë në qendër të punimeve ndryshimin e statusit dhe shkarkimin e Bashës.

Në Partinë Demokratike janë thirrur dy Kuvende Kombëtare, një më 11 dhjetor dhe një tjetër më 18 dhjetor i thirrur nga kreu i PD, Lulzim Basha, i cili ka paralajmëruar se kushdo që shkel vendimin e Kryesisë së Partisë, përfshirë këtu edhe Sali Berishën, fatin e ka të caktuar nga Statuti i Partisë. Me këtë ai ka nënkuptuar se kushdo që paraqitet në Kuvendin e thirrur nga Sali Berisha do të këtë pasoja. 

Të fundit