“Qiraja e avionit që përdor arrin deri 15 mijë euro në orë”, çfarë tregojnë faktet për udhëtimet luksoze të Edi Ramës

Hakerat iranianë publikuan mbrëmë të dhënat personale të kryeministrit Edi Rama, ndërsa tërhoqën vëmendje udhëtimet e tij jashtë vendit, kryesisht me charter.

Pjesa më e madhe e këtyre fluturimeve shënohen në 2021-shin, sipas të dhënave që u bënë publike në kanalin e Homeland Justice në Telegram.

Kryeministri Edi Rama i është përgjigjur akuzave të Sali Berishës, sipas të cilit ka shpenzuar 19 milionë euro me 127 udhëtime charter. Sipas tij, udhëtimet private i ka bërë me shpenzimet e tij.

Por, kjo çështje nuk është hera e parë që ngrihet, sidomos nga opozita.

Në shkurt të këtij viti, Edi Rama dhe deputetja e Partisë Demokratike, Orjola Pampuri u përfshinë në një seri akuzazh dhe kundërakuzash, në lidhje me shpenzimet për udhëtimet e kryeministrit jashtë vendit.

Report.al investigoi asokohe dhe solli fakte konkrete mbi shpenzimet e udhëtimeve të kryeministrit, ku ndër të tjera theksohej se ‘qiraja e avionit që përdor Rama arrin deri 15 mijë euro në orë”.

“Të paktën që prej vitit 2020, shpenzimet për udhëtimet jashtë vendit të kryeministrit mbulohen nga Drejtoria e Shërbimeve Qeveritare, e cila ka lidhur  për të marrë me qira një aeroplanAeroplani i konfigurimit ‘Vip’ mund të akomodojë deri në 32 pasagjerë.

Edhe në qoftëse shpenzimet nga ‘fondi i kryeministrisë’ janë mesatarisht më të vogla se ato të paraardhësve, kjo nuk do të thotë se shpenzimet e kryeminsitrit për udhëtimet jashtë vendit në tërësinë e tyre janë të vogla.

Përkundrazi, përdorimi i aeroplanit ‘charter’ të kontraktuar nga ‘Air Albania’, sugjeron se ato janë më të mëdha se çfarë i kanë lejuar vetes paraardhësit e tij. Drejtoria e Shërbimeve Qeveritare ka refuzuar në mënyrë të përsëritur të bëjë transparencë mbi shumën e shpenzuar për të organizuar udhëtimet e kryeministrit dhe pagesat ndaj ‘Air Albania’, duke pretenduar se këto janë të dhëna ‘konfidenciale.’

Megjithatë, listohen në 15 mijë euro në orë. Është e paqartë sa orë fluturime ka akumuluar Edi Rama gjatë dy viteve të fundit.

Kryeministri pretedon se shpenzimet e udhëtimit gjatë viteve 2020-2021, kohë kur udhëtimet jashtë vendit janë realizuar me aeroplanin ‘charter’ të Air Albania – të cilit i është vënë emri ‘Ismaili’, kanë qenë më të ulëta se mesatarja e viteve të mëparshme.

Ky pohim na jep një ide krahasuese mbi shpenzimet me aeroplanin ‘charter’. Qëndron fakti se vitet 2020 dhe 2021, kanë qenë vite pandemie dhe është e paqartë nëse numri i udhëtimeve jashtë vendit ka qenë më i ulët ose i ngjashëm me vitet e mëparshme.

Kryeministri ka deklaruar gjithashtu se shpenzimet e tij më të larta për udhëtime jashtë vendit janë realizuar në vitin 2014 dhe kapin vlerën 4.6 milionë lekë. Ky pohim bie ndesh me të dhënat e databazës së pagesave të Thesarit, sipas të cilave në vitin 2014, Këshilli i Ministrave ka shpenzuar për kategorinë e shpenzimeve ‘udhëtime jashtë vendit’.