Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

E-TJERA

Vrasje e dyfishtë në familjen shqiptare, burri mbyt gruan dhe më pas vetëvritet; cili ishte ‘amaneti’ i fundit

Politiko 13 Gusht 2021, 16:00

All - Paragraf - 1

Vrasje e dyfishtë në familjen shqiptare, burri mbyt gruan dhe më

Telefonat e tyre nuk u hapën kurrë. Fëmijët u përpoqën prej ditësh të lidheshin me prindërit, por linja nuk arriti dot të përçonte nga njëri telefon te tjetri zërin e munguar. Duket se ai planifikoi gjithçka në mënyrë perfekte. Fëmijët me pushime dhe koha ideale për të zgjidhur konfliktet me ‘vdekje’.

All - Paragraf - 3

Fshati i quajtur Calino në Brechia të Italisë u zgjua nga sirenat e policisë dhe ambulancës. Një krim i dyfishtë në një familje shqiptare, i mori jetën dy bashkëshortëve. Çifti me origjinë shqiptare, Shkëlqim Bedeli 55 vjeç dhe Shegushe Paeshti 54 vjeç, u gjetën të vdekur në banesën e tyre dy katëshe.

Mediat italiane raportojnë se, 55-vjeçari mbyti për vdekje bashkëshorten e tij duke e lidhur pas kangjellave dhe më pas vari veten në parmakun e shkallëve. Pak para kryerjes së aktit makabër, Bedel ishte kujdesur të linte fjalët e tij të fundit. Në kompjuter u gjetën dy letra, njëra për fëmijët e çiftit të ndjerë dhe tjetra për autoritetet.

Trupat e pajetë u gjetën nga zjarrfikësit e Brescia dhe karabinierët e Gardone Valtrompia, pas telefonatës së fëmijëve të çiftit, të cilët ishin shqetësuar se diçka e keqe kishte ndodhur me prindërit që nuk iu kthenin telefonatat.

Në letrat e shkruara, Bedeli shpjegon arsyet që e çuan drejt vrasjes dhe vetëvrasjes më vonë. Sipas tij çifti kishte krijuar mosmarrëveshje të pariparueshme dhe se për të mënyra e vetme për t’i dhënë fund situatës ishte vdekja.

Autoritetet hedhin hipotezat se krimi mund të ketë ndodhur para disa ditësh, në një hark kohor kur edhe fëmijët tentonin të lidheshin me prindërit. Megjithatë do të jetë autopsia e cila do të japë verdiktin e fundit lidhur me kohën kur ka ndodhur krimi dhe mënyrën se si është organizuar.

Fqinjët bëjnë me dije se në rrugicën e ngushtë të fshatit,askush nuk kishte dëgjuar diçka të dyshimtë apo as nuk ka nuhatur ndonjë aromë të çuditshme që të ngjallte dyshime se disa trupa mund të ishin kalbur. Ata nuk ziheshin kurrë dhe asnjëri nuk kishte shfaqur sjellje të çuditshme.

Zonja ishte e punësuar në një kompani në Erbusco. Burri i saj punonte si farkëtar. Të dy u vlerësuan shumë nga kolegët dhe fqinjët e Calino, ku ata kishin jetuar për rreth 15 vjet dhe ku ishin integruar mirë.