Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Drogë nga Amerika e Jugut për në Europë, shkatërrohet rrjeti ndërkombëtar i kokainës, 5 të arrestuar në Shqipëri

Politiko 21 Janar 2025, 14:26

Drogë nga Amerika e Jugut për në Europë, shkatërrohet

Një grup kriminal që trafikonte kokainë nga Amerika e Jugut drejt Italisë dhe shteteve të tjera të Europës Qendrore është shkatërruar përmes një operacioni të gjerë ndërkombëtar, ku një rol të rëndësishëm kanë luajtur autoritetet shqiptare.

Në kuadër të këtij megaoperacioni, të koduar “ICARO.AL” dhe të iniciuar nga autoritetet italiane, në Shqipëri janë arrestuar pesë persona:

Igli Dervishi, 30 vjeç, banues në Elbasan
Shkëlqim Pashja, 44 vjeç, banues në Elbasan
Ervin Dema, 40 vjeç, banues në Elbasan
Edmond Zhuja, 41 vjeç, banues në Shkodër
Genti Berisha, 28 vjeç, banues në Tiranë
Këta shtetas janë vënë në pranga me qëllim ekstradimin në Itali, ku akuzohen për pjesëmarrje në grup të strukturuar kriminal dhe trafik ndërkombëtar të lëndëve narkotike.

Sukseset e operacionit në nivel ndërkombëtar
Falë informacionit të siguruar nga Policia Shqiptare, u arrestua në Spanjë edhe një tjetër pjesëtar i grupit, G. P., 48 vjeç, i njohur dhe me identitetin A. P., person me precedent penal.

Gjithashtu, në Shqipëri është identifikuar dhe shpallur në kërkim një tjetër anëtar i dyshuar i grupit, shtetasi M. M., 28 vjeç, i cili akuzohet edhe për vepra të tjera penale. Strukturat për Hetimin e Krimit të Organizuar dhe partnerët ndërkombëtarë po punojnë për lokalizimin dhe arrestimin e tij.

Detaje të aktivitetit kriminal
Sipas Gjykatës së Breshias në Itali, grupi kriminal trafikonte kokainë përmes automjeteve të modifikuara për fshehjen e drogës, duke e shpërndarë më pas në qytete italiane dhe vende të Europës Qendrore.

Operacioni “ICARO.AL” përfshiu bashkëpunimin e ngushtë mes Policisë Shqiptare, Drejtorisë së Përgjithshme të Policisë së Shtetit, SPAK, Guardia di Finanza dhe Interpol Tirana. Në total, në kuadër të këtij megaoperacioni, janë arrestuar deri tani 12 persona, ndërsa 8 të tjerë janë nën hetim.

Materialet hetimore janë dorëzuar në SPAK për veprime të mëtejshme ligjore, ndërsa po vijojnë përpjekjet për finalizimin e ekstradimeve.

Të fundit