Sulm terrorist në Vjenë, raportohet për 3 viktima, sulmuesi hedh veten në erë

Sulm terrorist në Vjenë të Austrisë.

Sipas mediave vendase, sulmi ka ndodhur mbrëmjen e së hënës pranë sinagogës, Seitenstettengasse dhe nga të dhënat e deritanishme raportohet për 3 viktima, mes tyre një efektiv policie, pasi persona ende të paidentifikuar kanë hapur zjarr ndaj qytetarëve.

Ndërkohe, sulmuesi thuhet se ka hedhur veten në erë, ndëesa mendohet se kanë qenë 6 terroristë të veshur me të bardha, që kanë hapur zjarr në rrugë. 

Pamjet tronditëse të mediave sociale tregojnë një burrë që mban një armë zjarri në duar duke vrapuar nëpër rrugë dhe duke qëlluar, megjithëse është e paqartë nëse ai është personi pas sulmit.

 

Ministri i brendshëm austriak, Karl Nehammer e përshkroi incidentin si një sulm terrorist dhe tha se një sulmues kishte mbetur i vdekur në kryeqytetin austriak.

Një sulmues tjetër ishte "në arrati", tha ai. Një operacion i sigurisë në shkallë të gjerë është duke u zhvilluar, raporton BBC.

Policia u ka bërë thirrje njerëzve që të shmangin zonën dhe të mos marrin transportin publik.

Blloqet rrugore janë vendosur rreth qendrës së qytetit. Pamjet e postuara në mediat sociale treguan njerëz duke vrapuar pasi dëgjoheshin të shtëna me armë.

"Për momentin mund të konfirmoj se besojmë se ky është një sulm i dukshëm terrorist," i tha Ministri i Brendshëm Karl Nehammer transmetuesit austriak ORF.

Z. Nehammer tha se disa njerëz mendohej se ishin vrarë dhe disa të plagosur rëndë, përfshirë një oficer policie.

Udhëheqësi i komunitetit hebre Oskar Deutsch shkroi në Tëitter se ishte e paqartë nëse sinagoga e Vjenës ishte shënjestruar në sulm pasi ishte e mbyllur në atë kohë.

"Dukej si fishekzjarre, atëherë e kuptuam se ishin të shtëna," tha një dëshmitar okular i cituar nga transmetuesi publik ORF, sipas agjencisë së lajmeve AFP.