Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

11 Maji/ Celibashi jep detaje nga regjistrimi në PER, sa e sigurt është vota e diasporës?

Politiko 7 Mars 2025, 10:52

11 Maji/ Celibashi jep detaje nga regjistrimi në PER, sa e sigurt

Kreu i Komisionit Qendror të Zgjedhjeve, Ilirjan Celibashi ka dhënë detaje nga regjistrimi i emigrantëve shqiptarë në PER.

Celibashi tha se kërkesa e parë për regjistrimin është bërë nga një shtetas shqiptar 98 vjeç në Gjermani, më 8 janar në orën 00:08.

Kreu i KQZ deklaroi se kanë qenë 294,155 kërkesa për regjistrim nga diaspora për të votuar në zgjedhjet e 11 majit. 245,975 qytetarëve u është pranuar, kurse 48,180 u është refuzuar.

“Në këtë periudhë nga 9-12 mars vetëm ata që janë regjistruar kanë të drejtë të kërkojnë të bëjnë ndryshime që lidhen me adresën dhe vetëm me adresën. Dy ditëshi është për ata që janë të regjistruar dhe u është miratuar, ata që kanë marrë refuzim nuk mund të bëhet asgjë dhe kjo është e qartë si në kodin zgjedhor ashtu edhe në akte.

Të gjithë ata që u është refuzuar kërkesa nga KQZ mund të ankohen në gjykatën e Tiranës jo më vonë se data 11 prill. Nga momenti i refuzimit deri më 11 prill mund të paraqesin ankesë një platformë online”, tha Celibashi.

Sa i përket sigurisë së votës së shqiptarit në diasporë, Celibashi tha se nga momenti kur vota futet në zarf e deri në procesin e numërimit, integriteti i votës është 100% i sigurt.

“Ne sigurojmë që nga momenti që votuesi nga jashtë fut fletën e votimit në zarf e deri në momentin që nis procesi i numërimit integriteti I votës është I sigurtë 100%. Se çfarë do të bëjë votuesi me fletën e votimit në shtëpinë e vet askush nuk mund ta thotë. Nëse do të ketë evidenca që vota në një rast të caktuar është pasojë e shitblerjes, intimidimit apo demonstrimit nga dikush të votës në mënyrë publike se për kë ka votuar do të ketë pasoja dhe të karakterit penal. Nuk është kërcënim por është ajo çfarë parashikon ligji”, shtoi Celibashi.

Të fundit