Flash News

Video/ Revoltë në burgun e Korfuzit, shqiptarët dhe gjeorgjianët i vënë flakën qelive

Aksident te “Shkalla e Tujanit” në Tiranë, një makinë përmbyset pas përplasjes

KPA shkarkon nga detyra gjyqtaren e Tiranës, Ardiana Bera

Mos humbni fytyrën/ Pas 'kërcënimit të Ramës, kandidatët e PS tërheqin kërkesën nga KQZ

VIDEO/ Atentati në Durrës, momenti i vrasjes së 29-vjeçarit Ermir Dedja

E-TJERA

11 maji/ "Diaspora shqiptare nuk do të heshtë!", nis peticion online për hetim mbi vjedhjen e votës

Politiko 20 Maj 2025, 20:57

11 maji/ "Diaspora shqiptare nuk do të heshtë!", nis

Këshilli Drejtues i Partisë Demokratike, Dega Selanik, në bashkëpunim me të gjitha strukturat e saj kanë organizuar një peticion online për hetim mbi vjedhjen e votës pas zgjedhjeve të 11 majit në Shqipëri. (Kliko peticionin)

Në thirrjen e drejtuar emigrantëve thuhet se pas nënshkrimit, ky peticion do t’i dorëzohet Komisionit Qendror të Zgjedhjeve dhe Presidentit të Republikës së Shqipërisë, për të denoncuar zyrtarisht këtë masakër elektorale.

"Këshilli Drejtues i Partisë Demokratike – Dega Selanik, në bashkëpunim me të gjitha strukturat e saj, ngre zërin e të vërtetës dhe u bën thirrje të gjithë demokratëve dhe shqiptarëve të ndershëm në Greqi dhe në çdo cep të diasporës shqiptare:

Të ngrihemi! Të mos heshtim!

Në emër të votës së lirë, të nëpërkëmbur nga një pushtet i korruptuar.
Në emër të mijëra qytetarëve të ndershëm që votuan me shpresë, por që vota iu mohua, iu deformua, iu vodh.

Ne, bijtë dhe bijat e Shqipërisë së vërtetë, që jetojmë larg atdheut, por e mbajmë në shpirt çdo ditë, kemi të drejtë të votojmë dhe të dëgjohemi.

Kërkojmë transparencë, drejtësi dhe llogari.
Kërkojmë të njihet e vërteta e votës së diasporës – jo si një shifër formale, por si një akt dinjiteti kombëtar!

Prandaj, ftojmë çdo shqiptar me ndërgjegje të nënshkruajë PETICIONIN ZYRTAR, që do t’i dorëzohet Komisionit Qendror të Zgjedhjeve dhe Presidentit të Republikës së Shqipërisë, për të denoncuar zyrtarisht këtë masakër elektorale.

???????? Nga Selaniku, Athina, Neapoli e deri në Romë, Berlin, Londër, New York – diaspora shqiptare nuk do të heshtë!

Do të flasim me një zë.
Do të ngrihemi me një qëllim.
Dhe do të dëgjohemi me forcën e të drejtës!

Firmos peticionin.
 Bëhu zëri i të vërtetës.
Mos lejo që historia të shkruhet pa ty!", thuhet në peticion drejtuar emigrantëve që kontestojnë zgjedhjet dhe kanë dyshime se vota e tyre është vjedhur. 

Të fundit