Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

12-vjeçari masakron shokun, Policia e quan “shaka”

Politiko 28 Janar 2025, 21:58

12-vjeçari masakron shokun, Policia e quan “shaka”

Një video tronditëse ka qarkulluar në media, ku shihen dy nxënës të shkollës 9-vjeçare “Emin Duraku” në Shtimë, Kosovë. Në video, 12-vjeçari Sulejman Selimi dhunon shokun e tij, Albert Jakupi, po ashtu 12 vjeç. Ngjarja ka shkaktuar reagime të forta në Shtimë dhe më gjerë, duke u cilësuar si një akt dhune të papranueshëm mes fëmijëve.

Në video, dy fëmijët shihen duke diskutuar për incidentin, me njëri prej tyre duke pretenduar se kishte thënë fjalë fyese ndaj familjes së Sulejmanit. Agresioni është shoqëruar me fjalë të rënda, ndërsa shokët e dhunuesit inkurajojnë veprimin.

Familjarët e viktimës, përfshirë nënën e Albertit, Shyhrete Jakupi, shprehen të shqetësuar dhe kërkojnë veprim nga institucionet, duke theksuar se nuk ishin në dijeni të dhunës ndaj djalit të tyre. Policia e Shtimës e ka trajtuar ngjarjen si një “shaka fëmijësh”, ndërkohë që drejtori i shkollës dhe psikologia e institucioni deklaruan se të dy fëmijët kanë pasur sjellje problematike dhe janë trajtuar me ndihmën e psikologut.


Pavarësisht përpjekjeve për të qetësuar situatën, akti ka tërhequr vëmendjen e autoriteteve, me Prokurorinë e Shtetit që është e angazhuar për hetimin e rastit. Drejtoresha e Arsimit në Shtimë, Yllka Fejzullahu, ka theksuar se kjo ngjarje nuk është injoruar dhe ka kërkuar një veprim të shpejtë.


Policia dhe Qendra për Punët Sociale janë duke punuar për të adresuar këtë rast të rëndë, ndërsa komuniteti kërkon masa më të rrepta për të parandaluar dhunën mes fëmijëve.

Të fundit