Flash News

Aksident te "Shkalla e Tujanit", kamioni përmbyset në mes të rrugës, plagoset shoferi

By pass-i i Vlorës, zvarritje punimesh dhe rritje kostosh

Milan pritet të heqë dorë nga transferimi i Granit Xhakës

Inceneratori jashtë funksionit, përfshihet nga flakët fusha e mbetjeve në Elbasan

Aksident në aksin Lezhë-Shëngjin, një i plagosur

E-TJERA

1200 efektivë në terren/ Policia “blindon” Tiranën më 6 dhjetor, ç’pritet të ndodhë

Politiko 30 Nëntor 2022, 13:46

1200 efektivë në terren/ Policia “blindon” Tiranën

Qeveria e shpalli 6 dhjetorin ditë pushimi zyrtar për Tiranën. Një tjetër masë që është marrë në kuadër të samitit BE-Ballkani Perëndimor është edhe “blindimi” i kryeqytetit.

Policia është duke përgatitur një plan masash të forta, niveli i të cilave duket se do të jetë i njëjtë me ato që janë ndërmarrë në kohën kur në Tiranë erdhi ish-sekretari amerikan i shtetit John Kerry apo Papa Françesku.

Pritet që për të garantuar mbarëvajtjen e samitit do të angazhohen më shumë se 1200 efektivë policie. Pas mbërritjes së liderëve evropianë në Tiranë, përveç delegacioneve, do të jetë e pamundur të kalohet perimetri i sigurisë përgjatë bulevardit “Dëshmorët e Kombit”.

Ndërkohë po atë ditë opozita do të zhvillojë një protestë para kryeministrisë. Leja për tubim u refuzua nga policia dhe mbetet për t’u parë se si do të procesohet më 6 dhjetor.

Mbledhja e samitit do të zhvillohet te stadiumi “Air Albania”. Zyrtarët e BE-së dhe liderët e Rajonit do të mbërrijnë rreth orës 10.00 në Tiranë dhe mbledhja do të vijojë deri në orën 13:00 për drekën.

Ndërsa rreth orës 15:00 pritet të mbahet konferenca e përbashkët mes kryeministrit Rama, kryetares së KE, Ursula Von der Leyen dhe presidenti i Këshillit Europian Charles Michele. Konferenca të vecanta shtypi mund të ketë edhe nga liderë të tjerë evropianë.

 

Të fundit