14-vjeçarja vuan nga zemra, ka nevojë për operacionin që shkon 200 mijë euro

Familja Bërdufi është përballur me një lajm tronditës gjatë periudhës së shpërthimit të pandemisë - ku gjithë vëmendja u përqendrua në menaxhimin e situatës së shkaktuar prej Covid-19.

Vajza e vogël e shtëpisë, Elona - vetëm 14 vjeçe - që prej marsit nuk shkon në shkollë për shkak të sëmundjes së saj.

" Në karantinë siç rrinim të gjithë familjarët aty e kuptova që Elena kishte diçka qe nuk shkonte, kishte marrje fryme , këputje … çfarë nuk na shkonte në mendje se ishim të traumatizuar prej virusit. Helmim nuk kishte as virus por kishte diçka që as unë se besoj, kur mjeku tha duhet ta çojmë me urgjencë ma shpjegonin por prapë se pranoja që fëmija ime vuante nga zemra…"- ka treguar nëna e saj në një intervistë për Top Channel.

Elona është diagnostikuar me kardiomiopati e dilatuar, formë e rëndë 14 vjeçarja duhet të kryejë ndërhyrje në zemër, por ky operacion i ndërlikuar nuk mundësohet në spitalet shqiptare.

"Ilaçet janë sa me qenë Elena në këmbë. Doktoresha ka thënë se vetëm jashtë shtetit mund të bëhet në Turqi ose Itali, shkon 200 mijë euro. Ku ti gjesh ato të ardhura? Do mendosh për pjesën e lekut dhe dhembshuria e fëmijës, dhimbje e dyfishtë. Kush nga 50 kush nga 100 që na kanë ndihmuar deri tani, imagjino me shku jashtë shtetit…,"- shprehet e ëma.

"Thjesht na ka thënë mjekja nëse sheh diçka të çuditshme kur vjell do e sjellësh me shpejtësi. Nga Kavaja të çosh me urgjencë një fëmijë me zemër? Nga momenti në moment ca s’mund të ndodh!! Ca mund ti bëj unë fëmijës në shtëpi vetë?? Serumin s’ia bëj dot,"- tregon Elona.

Sipas burimeve për "Politiko" vajza është shturar sërish në spital dhe ka nevojë urgjente për ta çuar jashtë Shqipërisë.

“Nuk dua asgjë vetëm të shpëtoj fëmijën, ta kuroj e të jetë si gjithë shoqet,"- thotë e ëma.

“Ju lutem të shërohem sa më shpejt”, shprehet Elona.