Flash News

Berisha uron Trump për pavarësinë e SHBA-ve: Kremtim që vjen pas fitores mbi regjimin e Ajatollave

Trafikonin armë nga Kosova drejt Shqipërisë, dy të arrestuar, sekuestrohen 8 pistoleta

Kur nderi ‘vret’ më shumë se dhuna, Lediona Braho për Politiko: Incesti, një problem i heshtur në shoqërinë shqiptare

Vijon zjarri në inceneratorin e Elbasanit, tymi toksik rrezikon shëndetin e qytetarëve

SHBA feston 249-vjetorin e Pavarësisë

E-TJERA

15-vjeçari humbi jetën pas sherrit me bashkëmoshatarët, reagon Kushi: Jam thellësisht e tronditur

Politiko 16 Maj 2023, 16:58

15-vjeçari humbi jetën pas sherrit me bashkëmoshatarët,

Një ngjarje e rëndë ka ndodhur këtë të martë në Gramsh ku pas një sherri mes adoleshentash ka mbetur i vdekur një 15-vjeçar. Ngjarja ka ndodhur pranë shkollës 9-vjeçare “Asllan Shahini”.

Ministrja e Arsimit dhe Sportit, Evis Kushi ka reaguar në lidhje me këtë ngjarje të rëndë. Viktima është identifikuar si  Fatjon Biçi, 15-vjeç, ndërsa i plagosur ka mbetur kushëriri i tij Marko Liçi.

Kushi shkruan se është thellësisht e tronditur nga kjo ngjarje dhe shton se prindërit dhe familjet duhet të forcojnë më shumë bashkëpunim për të luftuar fenomenet negative tek fëmijët dhe të rinjtë.

Në fund ajo shpreh ngushëllimet për familjarët, duke shpresuar që të mos të kemi më ngjarje të tilla.

“Jam thellësisht e tronditur nga ngjarja e ndodhur sot në Gramsh, ku një adoleshent ka humbur jetën si pasojë e një konflikti me bashkëmoshatarët e tij.

Pavarësisht se kjo ngjarje ka ndodhur në rrugë, jashtë mjediseve të shkollës, institucionet tona arsimore, së bashku me institucionet e tjera ligjzbatuese, prindërit dhe familjet, duhet të forcojmë më shumë bashkëpunimin për të luftuar fenomenet negative tek fëmijët dhe të rinjtë, të cilat çojnë në ngjarje të tilla të rënda.

Një nga prioritetet në sistemin tonë arsimor është forcimi i sigurisë në shkolla, për të cilën punojmë fort duke rritur nga viti në vit numrin e punonjësve të shërbimit psiko-social dhe oficerëve të sigurisë, si dhe duke i trajnuar ata dhe mësuesit në mënyrë të vazhdueshme. Megjithatë, ne duhet të reflektojmë të gjithë si shoqëri që të rrisim vigjilencën për të parandaluar, identifikuar dhe menaxhuar raste të konfliktit në shkollë, familje dhe kudo tjetër.

Shpreh ngushëllimet më të ndjera për familjen e adoleshentit, duke shpresuar që të mos kemi kurrë më ngjarje të tilla”, thuhet në reagimin e saj.

Të fundit