2 milionë për të shpëtuar 14, prokuroria dekonspiron aksionin e ryshfetit të OSHEE

Lidhur me denoncimin e pronarit të dyqanit për OSHEE-në Durrës, gruaja e tij, e kthyer në bashkëpunëtore e emisionit “Stop”, përpiqet t’u japë specialistëve 500 mijë lekë menjëherë, me premtimin, se pjesën tjetër do ta siguronte më vonë.

Por ata, por specialistët nuk i pranojnë në atë moment, duke thënë, se paratë duhej t’i merrnin të gjitha, kur të përfundonte puna. Ata thanë, se kishin blerë materialet dhe nuk mund t’i mbanin shpenzimet me xhepin e tyre.

Specialisti –Tani, unë jam i detyruar derisa vij e kontrolloj, jam i detyruar ta pasqyroj. 2021-shi ka qenë një çikë rrëmujë.

Pronarja – Po nuk ulet një çikë kjo? Jo aq shumë!

Specialisti –Po ça lidhje ka, se s’e kam unë në dorë fare! Nuk e kam unë në dorë fare, fare. Hymë për ta ndihmuar, bëra një bisedë me këta këtu. Ok! Më tha Ok dje. Tani, ça të them unë?

Pronarja – Tashi, unë do të jap 500- tani edhe mbaro punë!

Specialisti –Jo, jo! Unë do mbaroj punë edhe jepini të gjitha atyre, që janë për t’u dhënë!

Pronarja – Ore, po ti merri ti 500, se unë tani…!

Specialisti –Nuk kam ç’i dua!

Pronarja – Se edhe më vonë, më vijnë lekë të tjera dhe do t’i…

Specialisti –Nuk kam ç’i dua, se s’jam unë për atë punë.

Pronarja – Po kujt? Do filloni tani punë?

Specialisti –Tani pra do fillojmë punë, prandaj na tha zotëria, po të presim.

Pronarja – Po pra, ai s’ka. Do i marrësh këto tani?

Specialisti –Ç’i dua?! I duam të gjitha!

Pronarja – Po mirë! Unë thashë, meqë ashtu, merri 500-nd!

Specialisti –Jo, jo!

Pronarja – Dhe më vonë na vijnë të tjerat edhe i japim. Unë, tashi, që keni pru shkallët, ne e kemi nda mendjen.

Specialisti –Po nuk e diskutoj, pra. Unë do vazhdoj punën nuk ka problem. Nuk i dua tani. Kur të vijnë pastaj të gjitha, i marr! Nuk ka kuptim, t’i marr unë kshu. Për ça do t’i marr, se do punoj aty, do rrijnë kot në xhep, ç’i dua? Mbaroj punë, merren të gjitha, çohen aty, me gjithë letrat dhe mbarojmë punë.

Pronarja – Po mirë, mo! Si të dush!

Specialisti –T’i marr, t’i mbaj në xhep, derisa t ë vijnë të tjerat dhe pastaj, ça kuptimi ka?!

Pronarja – Po mirë mo, mbaji!

Specialisti –Mbaji këtu! Mbaji këtu! Kur të bëhen të gjitha, unë do mbaroj punë, do vij këtu, të jap procesverbalin, që je ok edhe mbaroi filmi. Mbaje procesverbalin te dokumentet për çdo gjë! Mbaje procesverbalin!

Pronarja – Po, po! Patjetër!

Specialisti –Po pra!

Në fazën e fundit të bisedës, tensioni rritet, pasi specialisti kërkon, që puna të kryhet po atë ditë dhe refuzon shtyrjen për nesër, duke pretenduar, se ka lënë familjen dhe fëmijët për të ardhur aty.

Pronarja – Ti mendon, se unë do dal e fituar nga kjo gjë, se më duhesh. Më kupton?

Specialisti –Bëje çikë llogarinë! Këtu te makina llogaritëse!

Pronarja – Po!

Specialisti –80 mijë herë 176 baraz… (14 milionë e 80 mijë lekë)

Pronarja – Po mirë, po tashi…

Specialisti –Sa është?

Pronarja – Një sekondë të lutem! Një sekondë!

Specialisti –Po hë, s’ka gjë, nuk ka gjë!

Pronarja – Shumë janë. Po shumë, po s’është faji ynë.

Specialisti –Aq është shteti jot, faji, faji është i sahatit. S’është as i imi, as i joti.

Pronarja – Po pra, po…!

Specialisti –Unë jam thjesht trasmetues dhe vëzhgues. Unë nuk të bëj dot asnjë lloj ndihme. E vetmja gjë, që unë të mbyll sytë, është, që ty të të lë ashtu dhe ça fati të kesh. Yt shoq na tha, që unë të mos kem më problem. Të lutem, fol ça duhet, nga duhet, edhe të mbarojmë punë! Tani unë bëj llogari. Jam me 500 mijë lekë rrogë, ti më thua është problem për këtë për një biznes.

Pronarja – Po si…?

Specialisti –Ore, ja ku e ke llogarinë këtu! Ja, ku e ke llogarinë këtu!

Pronarja – Opo, nuk është faji im kjo!

Specialisti –Po si s’është faji?! Është faj, sahati është me ndërhyrje, moj zonjë, tani flasim!

Pronarja – Është sahati me ndërhyrje?

Specialisti –Po! Është ndërhyrje e vjetër fare, mi…

Pronari – Tashi, jepja një 500-dëshe në dorë, të mbaroj punë edhe…!

Pronarja – Po ia dhashë, pra…!

Specialisti – Jo! Jo! Jo! Nuk i du. Du të mbaroj punë, o vlla, se s’jam unë… Për ça i du?! T’i mbaj në xhep, deri sa të mbarojë?! Ça i du unë, o vlla?!

Specialisti 1– Kur të mbaroj punën, në rregull!

Specialisti – Kur të mbaroj punën! Hë vlla! Mbarohet puna, të dorëzoj proçesverbalin këtu ty unë!

Pronari – Po!

Specialisti – Edhe vazhdoj ta çoj edhe atje të venë e të gjitha andej.

Pronarja – Ah, mo bëje çikë më pak, o burrë! E kupto?

Pronari – Jepja 500-dshen, shko dhe më tërhiq edhe 1 milionë e gjysmë në bankë! Jepi 500-nd!

Specialisti – Nuk duam tani ne asnjë gjë, mor burrë! Të mbarojmë punë, or burrë! Nuk kemi ardhë për atë punë, o vlla! Unë dje të thashë për ato, që të thashë, sepse u blenë materialet, i kam në makinë. Tani, unë nuk kam taksirat, me i marrë me xhepin tim. Prandaj të thashë!

Pronari – Mirë! Mirë! E çoj nusen pastaj, t’i tërheq.

Ai i thotë pronarëve të “sajohen për një orë e gjysmë”, duke u bërë presion, që të gjejnë menjëherë të gjitha paratë.

Pronarja – Do ma bësh proçesverbalin?

Specialisti – Do ta bëjmë!

Pronarja – Dëgjo XXX tashti! XXX ka shkuar me marrë lekë te 2-3 klientë. Ishallah po na i japin edhe te banka ato, m’i kanë fut te BKT-ja, po duan deri pasdite, ose nesër maksimumi në 10-të, të m’i kalojnë te Fibanku, ku kam numrin. Unë… Ti merri këto edhe në mëngjes!

Specialisti – Nuk kam lidhje unë fare.

Pronarja – Po mirë më, çoja atij, që të ka bërë..!

Specialisti – A po më kupton, se ça po thua? Unë çoj letrat, mbaroj punë, nuk kam lidhje fare, unë po kaloj, unë po kaloj maksimumi në orën 1 e gjysmë.

Pronarja – Jo! Ne, e fundit fare, do e lëmë nesër nga ora 10-të.

Specialisti – Jo! Nuk e lë dot. Nuk e lë dot. Më thoshe, ta montoja nesër!

Pronarja – Po unë, s’e pritsha dhe këtë punën.

Specialisti – Po unë, ça të bëj unë më tani? Unë jam punëtor.

Pronarja – Se s’e di, se funksionon kështu.

Specialisti – Unë jam punëtor, nuk kam lidhje fare me ato gjëra, ça po thua ti. Fare, unë jam punëtor. Thjesht më kanë çuar.

Pronarja – Unë nuk do iki, o burrë, se dyqanin këtu e kam unë.

Specialisti – Nuk e diskutoj unë.

Pronarja – Eh, mirë e lëmë për nesër! Zëmë, se e bëre nesër.

Specialisti – Unë them, s’e lë dot për nesër moj, ça t’i bëj unë? Urdhëro këtu me datë, me të gjitha!

Pronarja – Zëre, se e bëre nesër!

Specialisti – Është sahati online me orë.

Pronarja – Po s’ka gjë, se…

Specialisti – Po ça po më thua s’ka gjë? T’i lë kalamajtë rrugëve unë tani për ty, se po më, po më, po më thua kështu, tani po më vjen zor. Të lë kalamaj rrugëve unë tani për ju? Ai është me orë, është online. Unë, ça të bëj?

Pronarja – Ok! More ti, ajo është gjë tjetër, kjo e lekëve, është gjë tjetër.

Specialisti – Unë po vij për 1 orë e gjysmë. Sajohuni!

Pronarja – Po unë nuk kam, ku t’i sajoj aq shpejt.

/tvklan.al