21 milionë raste aktive dhe mbi 2.6 mln të vdekur, si paraqitet situata me Covid-19

Image: REUTERS/Lim Huey Teng

Që nga shpërthimi i pandemisë e deri në këto momente, numri i të infektuarve me Covid-19 ka kaluar 117 milionë në gjithë botën.

Në të dhënat reale të "Worldmeter" - të cilat përditësohen nga momenti në moment sipas raportimeve të shteteve gjatë gjithë ditës,  shohim se deri tani (7 mars 2021) janë infektuar 117,279,487 persona me Covid-19, teksa numri i rasteve aktive është 21,881,283.

Ndërkohë mbi 2.6 milionë persona kanë humbur jetën me Covid-19. Deri sot, kjo shifër ka shkuar në 2,602,555 të jetëve të humbura nga virusi Covid-19 që prej fillimit të pandemisë.

Vetëm sot janë regjistruar 211,084 raste të reja në të gjithë botën.

Në Shqipëri, sot janë raportuar 819 raste të reja me Covid-19 nga 3372 testime të kryera, teksa 21 persona nuk ia kanë dalë të fitojnë betejën me virusin  vdekjeprurës.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm