Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

E-TJERA

“25 prilli ishte ndeshje e shitur”/ Meta nga Korça: Më keni në beteja të vërteta sapo të heq kostumin e presidentit

Politiko 21 Janar 2022, 12:30

“25 prilli ishte ndeshje e shitur”/ Meta nga Korça: Më

Presidenti Ilir Meta ishte ditën e sotme në Korçë, nga ku ka dhënë një prononcim për gazetarët. Ai iu bëri thirrje qytetarëve të tregojnë respekt për votën dhe të shkojnë drejt kutive më 6 mars, sepse sipas Metës, vetëm kështu kanë të drejtë të kërkojnë llogari më pas.

“Nuk jemi këtu për aktorët politikë,por për të theksuar rëndësinë e rivendosjes dhe integritetit të votës së lirë në themel të institucioneve tonaa, sepse është tronditur mjaft rëndë. Ky është ndër qëllimet e dekretit të 6 marsit. Të gjitha forcat politike të paraqesin kandidatë sa më të mirë në mënyrë që qytetarët të zgjedhin besojnë dhe uroj që qytetarët të tregojnë respekt për votën e tyre dhe duke marrë pjesë në zgjedhje të kërkojnë edhe llogari”, tha Meta.

Sa i përket vendimit që do të marrë Gjykata Kushtetuese për shkarkimin osejo të tij, Meta u shpreh i qetë, duke theksuar se nuk ka asnjë interes për vendimin e një parlamenti të shkarkuar.

Kreu i Shtetit paralajmëroi se do të rikthehet në politikë pas 24 korrikut, kur mbaron zyrtarisht mandati i tij. Meta tha për gazetarët se mezi pret “të shpëtojë” nga shoqëruesit dhe makinat e policisë që e ruajnë për shkak të detyrës.

“Nuk kam asnjë interes se çfarë do të vendosi gjykata Kushtetuese për vendimin e Parlamentit të shkarkuar pas zgjedhjeve të 25 prillit, për të shkarkuar Presidentin e Republikës për një intervistë te Çim Peka.

Do të vazhdoj deri më 24 korrik. Mezi po pres të shpëtoj nga shoqëruesit dhe makinat e policisë, sepse mezi po më pret populli i 2 marsit dhe unë mezi po pres t’i jap më të mirën time atij populli të mrekullueshëm. Jini të duruar. Unë do të kthehem te populli i 2 marsit, ata i kanë të gjitha”, tha Meta.

I pyetur për deklaratën e dhënë gjatë zgjedhjeve të prillit se nëse Edi Rama fitonte do e dorëzonte mandatin e presidentit, Meta tha: Nuk ka fituar, ka qenë ndeshje e shitur që pa filluar, e trukuar. S’kam premtim për atë që do të ndodhë më 6 mars, sepse skam marrë pjesë në zgjedhjet e prillit. Në zgjedhjet e para pasi të heq këtë kostum do të më keni në beteja të vërteta.

Të fundit