E-TJERA

27-vjeçarja tenton të hidhet nga lumi Buna bashkë me 4 fëmijët e mitur

27-vjeçarja tenton të hidhet nga lumi Buna bashkë me 4

Është parandaluar një ngjarje e rëndë në Shkodër.

Një 27-vjeçare ka tentuar të hidhet nga lumi Buna bashkë me 4 fëmijët e saj të mitur, përkatësisht: 7, 5, 3 dhe 1 vjeç. Policia ka ndaluar 27-vjeçaren dhe bashkë me fëmijët janë shoqëruar në komisariat.

"Tentoi të hidhej në lumin Buna, bashkë me 4 fëmijët e saj të mitur, falë ndërhyrjes së shpejtë nga patrulla e përgjithshme që patrullonte në zonë, pengohet 27-vjeçarja.

Menjëherë pas marrjes së njoftimit, rreth orës 14:15, se një shtetase po tentonte të hidhej në lumin Buna, bashkë me 4 fëmijët e saj, shërbimet e Policisë që patrullonin në zonë, kanë ndërhyrë duke penguar 27-vjeçaren, e cila po tentonte të hidhej në lumë, bashkë me 4 fëmijët e saj 7, 5, 3 dhe 1 vjeç.

27-vjeçarja dhe fëmijët e saj u shoqëruan në ambientet e Komisariatit të Policisë Shkodër.

Grupi hetimor vijon punën për sqarimin e rrethanave të rastit", njofton policia.

Në 2 maj të këtij viti, Alma Arrazi u vetëhodh nga lumi Buna bashkë me tre fëmijët e saj të mitur: Ergesa (9 vjeç), Grejsi (8 vjeç) dhe Ardit Arrazi (3 vjeç). Në pranga u vu bashkëshorti i Almës dhe babai i fëmijëve, Erdgys Arrazi, i akuzuar për dhunë psikologjike dhe fizike ndaj familjarëve.

 

Të fundit