Flash News

Berisha uron Trump për pavarësinë e SHBA-ve: Kremtim që vjen pas fitores mbi regjimin e Ajatollave

Trafikonin armë nga Kosova drejt Shqipërisë, dy të arrestuar, sekuestrohen 8 pistoleta

Kur nderi ‘vret’ më shumë se dhuna, Lediona Braho për Politiko: Incesti, një problem i heshtur në shoqërinë shqiptare

Vijon zjarri në inceneratorin e Elbasanit, tymi toksik rrezikon shëndetin e qytetarëve

SHBA feston 249-vjetorin e Pavarësisë

E-TJERA

28-vjeçari australian i zhdukur në Alpet Shqiptare, familja apel për ndihmë

Politiko 25 Nëntor 2024, 21:15

28-vjeçari australian i zhdukur në Alpet Shqiptare, familja apel

Një 28-vjeçar australian, Cameron Twiss, rezulton i zhdukur pa gjurmë që prej mëngjesit të 13 tetorit, kur u nis nga Valbona për të mbërritur në Theth. Cameron, i cili ishte në Shqipëri për pushime, nuk arriti kurrë në destinacionin e tij. Vëllai i tij, Stuart Twiss, ka mbërritur në Shqipëri për të kërkuar ndihmë dhe është shprehur për mediat shqiptare mbi rrethanat e zhdukjes.

“Vëllai im ishte shumë i kënaqur me pushimet e tij në Shqipëri. Kishte vizituar Shkodrën dhe Malin e Zi para se të nisej për Valbonë dhe më pas për Theth. Cameron shpesh pëlqente të eksploronte i vetëm, por duket se nuk kishte informacion të mjaftueshëm për shtegun,” u shpreh Stuart për Top Channel.

Sipas Stuart, Cameron ishte ndarë nga grupi i tij në kryqëzimin Jezerce-Theth, dhe që nga ai moment, nuk ka asnjë të dhënë për të. Ai kërkoi ndihmën e të gjithë shqiptarëve dhe autoriteteve për të mbledhur çdo informacion që mund të çojë në gjetjen e Cameronit.

Bledar Jubani, një banor i zonës, është personi i fundit që e ka parë Cameronin, në pikën e ndarjes së shtigjeve për në Jezerce dhe Theth. Banorët dhe guidat lokale theksojnë se Alpet janë të paparashikueshme dhe të rrezikshme, veçanërisht për ata që udhëtojnë pa shoqërues ose pa njohuri për terrenin.

Kjo nuk është hera e parë që turistët humbasin në Alpet shqiptare. Gjatë këtij sezoni, dy turistë të tjerë, një belg dhe një lituanez, janë zhdukur pa gjurmë në të njëjtën zonë, duke ngritur shqetësime për sigurinë në këto shtigje malore.

Autoritetet shqiptare dhe grupet e kërkimit janë duke punuar për zbardhjen e çështjes, ndërsa apelohet për bashkëpunim dhe informacion nga qytetarët për të ndihmuar në gjetjen e Cameron Twiss.

Të fundit