3 vjet burg për parkimin e dyfishtë/ Gjokutaj: Lajthitje me dashje e Policisë së Shtetit!

Avokati Genc Gjokutaj, ka reaguar në lidhje me deklaratën e drejtorit të Përgjithshëm të Policisë së Shtetit, Ilir Proda, i cili tha se të gjithë qytetarët që do të parkojnë dysh rrezikojnë deri në 3 vjet burg. 

Në një reagim në rrjete sociale, Gjokutaj e ka cilësuar deklaratën si një "lajthitje", ndërsa shkruan se kjo e fundit inkriminon shkeljet administrative që lidhen me parkimin e gabuar apo të dyfishtë dhe që rregullohen dhe sanksionohen nga Kodi Rrugor i Republikës së Shqipërisë.

Avokati shkruan ndër të tjera se ky vendim është jo vetëm shkelje e ligjit nga pikëpamja juridiko formale por edhe një dhunim monstruoz i lirive të drejtave themelore të njeriut dhe garancive juridike që shteti duhet t'ju ofrojë shtetasve te tij.

Reagimi i plotë i Gjoktajt

Sot Drejtori i Përgjithshëm i Policisë së Shtetit paralajmëroi ndër të tjera se parkimi i dyfishte i automjeteve nga tani e tutje nuk do të konsiderohet si shkelje administrative por si vepër penale referuar nenit 293 te Kodit Penal të Republikës se Shqipërisë i cili sanksionon:

“Vënia e pengesave dhe ndalimi me çdo mjet e mënyrë i qarkullimit të mjeteve të transportit, automobilistik, hekurudhor, ujor e ajror denohet me gjobë ose me burgim gjer ne 3 (tre) vjet”.
Ky qëndrim i Policisë së Shtetit jo vetëm që përbën lajthitje ne objektin qe dispozita e nenit 293 te Kodit Penal te

Republikës së Shqipërise synon te mbrojë por inkriminon shkeljet administrative që lidhen me parkimin e gabuar apo të dyfishtë dhe që rregullohen dhe sanksionohen nga Kodi Rrugor i Republikës së Shqipërisë!
Dispozita e nenit 293 të Kodit Penal të sipërcituar si anë objektive ka vendosjen e pengesave siç mund të jene materiale inerte, sasi gomash dhe gjithfarelloj materialesh te ngjashme me to me qellim bllokimin e akseve rrugore ne raste protestash, grumbullimesh apo trazirash sociale!

Ne objektet qe mund të përdoren për këtë qëllim mund te sherbejnë edhe automjete te çdo lloji qe nga veturat e deri tek kamionët për të bllokuar qarkullimin rrugor por jo në rastin kur automjetet parkohen gabim apo ne menyre te dyfishte per kryerjen e nevojave te shpejta ne qytet!

Ligjvënësi jo pa qellim ne kete dispozite ka perfshirë vënien e pengesave per te ndaluar edhe qarkullimin hekurudhor, ujor apo ajror pra qe nuk ka lidhje me parkimin e gabuar si shkelje administrative por me paralizimin e qarkullimit të çdo lloji ne raste protestash te cilat si gjithmone lidhen me plotësimin e një apo disa kërkesave nga protestuesit!

Te trajtosh qytetarët qe parkojnë gabim me kete dispozitë qe ka te bëjë me vepra penale te kryera me dashje dhe qëllim te caktuar eshte jo vetem shkelje e ligjit nga pikepamja juridiko formale por edhe nje dhunim monstruoz i lirive te drejtave themelore te njeriut dhe garancive juridike qe shteti duhet tju ofrojë shtetasve te tij!

Qe nga nesër sipas Policisë Shqiptare ndalimi ne parkim te dyfishte per nje urgjence shendetesore apo raste te ngjashme me to amniston terrorin shtetëror ndaj shtetasve te cilëve ju premtohet anëtaresimi ne BE i Shqiperise brenda vitit 2030!

Ne rast se lajthitja me dashje e Shtetit do te tolerohet nga Prokuroria dhe Gjykata te cilat duhet ti ndalojnë qysh në rastin e parë dhe nuk do ta bëjnë atehere njerëzit do te ushtrojnë vetgjyqësinë e cila shpie ne permasa konfliktesh qe mund te dalin jo vetem nga arsyeja por edhe nga kontrolli!

Shteti nuk mund të jetë armë kunder shtetasve te tij por nje mburojë e fortë e tyre kur ata keqtrajtohen e burgosen!