Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

400 kg kokainë nga Durrësi në Lipjan, autoritetet në Kosovë japin detajet: Ka vlerën e 20 milionë eurove, janë arrestuar 7 persona

Politiko 17 Maj 2021, 20:45

400 kg kokainë nga Durrësi në Lipjan, autoritetet në

Autoritetet në Kosovë kanë dhënë detaje lidhur me ngarkesën me rreth 400 kg kokainë të kapur në Lipjan të Kosovës ditën e sotme.

Kryeprokurori i Kosovës, Aleksandër Lumezi tha në një deklaratë për mediat se vlera e drogës kapte shifrat e 20 milionë eurove nëse do të dilte për shitje në treg.

“Policia e Kosovës, në bashkëpunim të ngushtë me policinë, autoritet italiane dhe auto amerikane. Janë konfiskuar 400 kg kokainë vlera e të cilave arrin rreth 20 milionë euro. Po ashtu janë konfiskuar disa makina dhe mjete tjera.

Gjatë hetimit janë përdorur masa të fshehta duke shikuar lëvizjen e të dyshuarve nga Italia deri në vendin tonë. Ju dërgojmë mesazh të qartë të gjitha grupeve kriminale se do të përballen me drejtësinë. Jemi të vetëdijshëm se nuk mund të luftohen nga një shtet i vetëm.

Ashtu kemi bashkëpunuar me shtete tjera duke e ditur se krimi mund të na prek të gjithëve. kemi arritur të mposhtim krimin e organizuar. Më lini të falënderoj prokurorët e Shqipërisë, Prokurorët Italianë, policinë shqiptare dhe policinë e Italisë”, tha Lumezi.

Nga ana tjetër, drejtori i Policisë së Kosovës, Samedin Mehmeti tha se janë arrestuar 7 persona, ndërsa aksioni po vazhdon edhe për arrestime të tjera.

“Sot rreth ores 11 të dyshuarit kanë filluar aktivitetin kriminal. Policia ka ndërhyrë. Kanë arritur të  arrestojnë të dyshuarit dhe rreth  400 kg narkotikë të llojit kokainë. Janë bastisur edhe lokacione të tjera.

Besohet se kamioni ka ardhur nga Brazili duke kaluar nga disa shtete përmes Kosovës. Kokaina ishte e fshehur në pako të llojeve të ndryshme të mishit.  Janë arrestuar 7 persona shtetas të Kosovës, janë konfiskuar rreth 400 narkotikë, nje arme dhe lloje te ndryshme te veturave. Operacioni po vazhdon, mund të ketë edhe arrestime të tjera”, deklaroi ai.

 

Të fundit