Flash News

E-TJERA

430 kg kokainë në laboratorin e Fierit, GJKKO lë në burg 10 të arrestuarit, mes tyre ish-zyrtari i PS

430 kg kokainë në laboratorin e Fierit, GJKKO lë në burg 10

Gjykata e Posaçme ka lënë në burg 10 personat e arrestuar si të përfshirë në laboratorin e Fierit, ku u gjetën 430 kilogramë kokainë dy net më parë në komunën e Frakullit.

GJKKO rikonfirmon masat e sigurisë “arrest në burg” për ta, ndër to edhe Zenel Çervanaku, i dyshuar si porositës i ngarkesës, si dhe vëllai i tij Viktor Çervanaku, ish-kryetar i komunës Frakull, Fier, që punonte si drejtor në OST.

Të arrestuarit gjatë operacionit të SPAK, DEA dhe policisë shqiptare, në bashkëpunim me disa agjenci ligjzbatuese të huaja, janë: Viktor, Zenel dhe Denilson Çervanaku, Enxhi Ferhati (vajza e Genci Ferhatit dhe e fejuara e Denilsonit) Nikolin Gjolena, Klajdi Kodra, Julian Malaj, Redion Meshi, Bledar Matoshi dhe Marildo Rona.

Si ndodhi ngjarja

Prokuroria e Posaçme kundër Korrupsionit dhe Krimit të Organizuar bëri të ditur dje se sasia e kokainës e cila ishte përzier në 24 tonë pleh kimik, i sekuestruar gjatë një operacioni të zhvilluar arrinte në 430 kilogramë. Vlera e saj në treg, sipas prokurorëve shkon në 40 milion euro.

Prokuroria shpjegoi se në muajin maj 2022, ngarkesa është nisur nga Kolumbia “nëpërmjet një anije transporti, për në portin e Pireut/Greqi, dhe ka mbërritur në fillim të korrikut 2022, e prej andej me anije transporti pas 3 ditësh është dërguar në portin e Barit të Malit të Zi, dhe në territorin shqiptar është transportuar me kamion në muajin shtator 2022”.

Ngarkesa me “pleh kimik” është zhvendosur në mjedise të ndryshme, në disa qytete të vendit, për t’u grumbulluar më pas në Frakull të Madhe, në zonën e Fierit, aty ku do të bëhej dhe ndarja e kokainës. “Ne kemi sekuestruar 24 ton, ngarkesë, aq sa është futur në Shqipëri”, deklaroi prokurori Xholi. Banesa ku është gjendur droga e fshehur në thasët me pleh, I përkiste ish kreut socialist të komunës Viktor Çervanaku, aktualisht i punësuar në një nga ndërmarrjet e sistemit energjetik në Tiranë.

Ka qenë vëllai i tij, Zenel Çervanaku, ai që kishte porositur ngarkesën porositës i ngarkesës, pasi në janar të këtij viti kishte regjistruar në emrin e tij një kompani që kishte ndër të tjera si aktivitet edhe “Import-eksport dhe tregtim me shumicë e pakicë të plehrave kimike dhe mallrave të ndryshme, me adresë në Tiranë. Ndërsa si financues i ngarkesës rezulton të jetë Nikolin Gjolena.

 

Të fundit